Sian Ka'an

Sian Ka'an (maia hizkuntzan "zeru atea" edo "zeruaren jaiolekua") Quintana Roo mexikar estatuan dagoen biosfera erreserba da, Karibe itsasoaren ertzean. Irabazi asmo gabeko gobernuz kanpoko erakunde batek kudeatzen du, bioaniztasunaren kontserbazioa helburu duena. Mexikoko parke naturala da 1986tik[1] eta Gizateriaren Ondare 1987tik[1].

Sian Ka'an1
UNESCOren gizateriaren ondarea

MotaNaturala
Irizpideak vii, x
Erreferentzia 410
Kokalekua Mexiko
Eskualdea2Latinoamerika eta Karibea
Izen ematea1987 (XI. bilkura)
1 UNESCOk jarritako izen ofiziala (euskaratua)
2 UNESCOren sailkapena

Erreserbak 5.280 km² hektarea ditu, Felipe Carrillo Puerto eta Tulum udalerrietan banatuak, baina baita ere Karibe itsasoan, koral uharriak barne. Gainera, bertan 23 arkeologia gune maia aurkitzen dira[1], Muyil barne.

Ezaugarriak

Sian Ka'an biosfera erreserba Yucatán penintsulako eskualde geologikoaren parte da. Honen ezaugarri nagusia erliebe zapala eta kareharrizkoa izatea da, lurrazaleko ur-lasterrak galarazten dituena eta zenote izeneko putzuak sortarazten dituena.

Sian Ka'an kosta parean, Karibe itsasoan, koralezko uharri multzoa dago, munduko bigarren handiena mota honetan, Koral Hesi Handiaren ondoren.

Kostaldean hondar zuriko hondartzak, badia txikiak eta mangladiak aurkitzen dira, beste ekosistemen artean. Lau mangladi mota aurkitzen dira: gorria, beltza, zuria eta grisa.

Bertako klima beroa eta azpi-hezea da eta euri garaia (urtaro hezea) udan da. Karibeko kostaldean kokatua dagoenez, urakan ugari pairatzen ditu, batez ere Antilletatik datozenak ekainaren eta azaroaren artean.

Erreferentziak
  1. About Sian Ka'an. .

Kanpo estekak
19°23′00″N 87°47′30″W
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.