Shinjuku

Shinjuku; 新宿区
	special ward of Japan (en)
	Irudi gehiago
Administrazioa
Estatu burujabe	Japonia
Metropolitan prefecture	Tokio
Alkatea	Kenichi Yoshizumi (en)
Jatorrizko izena	新宿区
Posta kodea	160-8484
Geografia
Koordenatuak	35°41′38″N 139°42′12″E
Azalera	18,23 km²
Mugakideak	Chiyoda, Minato, Bunkyō, Shibuya, Nakano eta Toshima
Demografia
Biztanleria	349.385 (2020ko urriaren 1a); 0 (2020)
Dentsitatea	17.460 bizt/km²
Informazio gehigarria
Sorrera	1947ko martxoaren 15a
Ordu eremua	UTC+09:00 eta Japan Standard Time (en)
Hiri senidetuak	Berlin-Mitte
	http://www.city.shinjuku.tokyo.jp

Shinjuku (japonieraz: 新宿区, Shinjuku-ku) Tokioko mendebaldeko auzoetako bat da. 2009ko erroldaren arabera 318.270 biztanle bizi ziren 18,23 kilometro koadroko azalera, eta biztanle dentsitatea 17.140 pertsona kilometro koadroko zen.

Shinjuku auzoko etxe orratzak egunez.

Geografia

Honako auzo hauek inguratzen dute Shinjuku: Chiyoda ekialdean, Bunkyō eta Toshima iparraldean, Nakano mendebaldean eta Shibuya eta Minato hegoaldean. Shinjuku barnean oso desberdinak diren eremuak aurkitzen dira:

Ekialdeko Shinjuku: Shinjuku geltokitik ekialdera kokaturiko aldea da. Tokioko entretenimendu eta gaugiroko auzoa da. Tokion lan egin ondoren etxera bueltan datorren jendeak betetzen ditu Golden Gai eremuko taberna txikiak eta Kabukichō auzo "gorriko" lokalak. Shinjuku Ni-chōme Tokioko gay auzoa ere bertan dago. Honetaz gain aipatzekoak dira Shinjuku Gyoen lorategiak ere, 58'3 hektareatako parkea.
Nishi-Shinjuku: Shinjuku geltokitik mendebaldera kokaturik dago eta Tokioko etxe orratzen kontzentrazio handiena duen auzoa da. Bertan dago Tokioko udaletxea besteak beste. 250.000 pertsona joaten dira egunero bertako bulegoetan lan egitera. 1960an Gobernuak fukutoshin izena eman zion ("hiriko bigarren bihotza") baina 1991ean udaletxea bertan ezarri zenetik shin toshin ("hiriburu berria") ezizenaz ezagutzen da.
Ōkubo: Tokioko korearren auzoa da.
Auzo erresidentzialak: Ochiai eta Totsuka iparraldean, Ushigome ekialdean eta Yotsuya hegoaldean.

Historia

1634ean hainbat tenplo eraiki ziren Shinjukuren ekialdean eta 1698an Tokiotik mendebalderako errepidean zegoen posta edo geltokia ezarri zen bertan, Naitō Shinjuku izenekoa. Naitō bertako daimio (jauntxoa) zen.

Shinjuku 1923ko Kantoko lurrikararen ondoren hasi zen garatzen, izan ere lurrikaren aurrean eremu egonkorra baitzen. 1947an finkatu ziren gaur egungo mugak Yotsuya, Ushigome eta Yodobashi auzoek bat egin zutenean. 1991ean Tokioko gobernua bertara mugitu zen gaur egun Tokioko udaletxea den eraikinera.

Ekonomia

Nazioarteko konpainia askok dute beren egoitza Shinjukun:

NTT: Japoniako Telekomunikazio konpainia.
Olympus Corporation
Seiko Epson
Subaru
Fuji Heavy Industries

Kirolak

Tokyo Yakult Swallows beisbol taldeak bertan du egoitza. 5 aldiz izan da Japoniako txapelduna.

Taihō Kōki sumo borrokalari handia bertakoa da. Yokozuna titulua eskuratu ondoren 58 borroka jokatu zituen, historiako hirugarrena bihurtuz.

Ondasun nabarmenak

Iruditegia

Shinjuku Gyoen.
Tokioko udaletxea.
Tokioko Operaren Hiria.
Kabukichō.
Golden Gai auzoko taberna txikiak.

Kanpo estekak

(Japonieraz) Auzoaren webgunea.

Datuak: Q179645
Multimedia: Shinjuku / Q179645

	Tokio prefektura

Auzo bereziak : Adachi \| Arakawa \| Bunkyō \| Chiyoda \| Chūō \| Edogawa \| Itabashi \| Katsushika \| Kita \| Kōtō \| Meguro \| Minato \| Nakano \| Nerima \| Ōta \| Setagaya \| Shibuya \| Shinagawa \| Shinjuku \| Suginami \| Sumida \| Taitō \| Toshima
Hiriak : Akiruno \| Akishima \| Chōfu \| Fuchū \| Fussa \| Hachiōji \| Hamura \| Higashikurume \| Higashimurayama \| Higashiyamato \| Hino \| Inagi \| Kiyose \| Kodaira \| Koganei \| Kokubunji \| Komae \| Kunitachi \| Machida \| Mitaka \| Musashimurayama \| Musashino \| Nishitōkyō \| Oume \| Tachikawa \| Tama
Suprefeturak : Nishitama \| Hachijō \| Miyake \| Ogasawara \| Ōshima

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.