Shema Yisrael


Shema Yisrael edo Sh'ma Yisrael (hebreeraz: שְׁמַע יִשְׂרָאֵל‎, "Entzun, Israel") goiz eta arratsero juduek egiten duten otoitzaren hasiera da. Tanakhean azaltzen da (Dt 6:4-9 eta Dt 11:13-21; Zen 15:37-41) eta juduen fede aitorpena da.[1]

Shema Yisrael, Jerusalemgo Knesset Menorah monumentuan

Lehen bertsoan judaismoaren oinarri monoteistikoa agertzen da: «Entzun, Israel: YHWH gure Jainkoa da, YHWH bakarra da» (hebreeraz: שְׁמַע יִשְׂרָאֵל ה' אֱלֹהֵינוּ ה' אֶחָד‎). Judaismo errabinikoak lau hizki hauek (י-ה-ו-ה, YHWH) Jainkoaren izen egiazkoa eta esanezina osatzen dutela irakasten du, eta horregatik ez da sheman ozenki irakurtzen; tradizionalki Adonai-rekin ("Jauna") ordezkatzen da: «Entzun, Israel: Adonai gure Jainkoa da, Adonai bakarra da».[2]

Juduek ohitura dute "Entzun, Israel" azken hitz moduan erabiltzeko eta baita umeen lo egin baino lehenagoko otoitz moduan ere.

Erreferentziak
  1. Lur entziklopedietatik hartua.
  2. (Ingelesez) Meszler, Joseph. (2006). Witnesses to the One: the spiritual history of the Sh'ma. Jewish Lights.

Kanpo estekak
Erlijio Artikulu hau erlijioari buruzko zirriborroa da. Wikipedia lagun dezakezu edukia osatuz.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.