Shelly-Ann Fraser-Pryce

Shelly-Ann Fraser-Pryce, jaiotzez izenez Shelly-Ann Fraser (1986ko abenduaren 27a, Kingston) jamaikar lasterkari bat da. Gorpuzkera txikia du (1,52 metro da luze), eta Poltsikoko suziria ere esaten diote, duen abiaduragatik. Zazpi olinpiar domina ditu.[1]

Shelly-Ann Fraser-Pryce
Irudi gehiago
UNICEFen borondate oneko enbaxadorea
Bizitza
Jaiotza	Kingston, 1986ko abenduaren 27a (37 urte)
Herrialdea	Jamaika
Hezkuntza
Heziketa	Wolmer's Schools (en)
Jarduerak
Jarduerak	abiadura-lasterkaria eta atleta
Atletismoa Kirol diziplinak 100 metroko lasterketa 200 metroko lasterketa Errekorrak Berezitasuna Irizpidea Data M Marka pertsonalak Berezitasuna Lekua Data M
Parte-hartzailea 2014 Commonwealth Games (en) athletics at the 2008 Summer Olympics – women's 100 metres (en) (1.) athletics at the 2012 Summer Olympics – women's 100 metres (en) (1.) athletics at the 2012 Summer Olympics – women's 200 metres (en) (2.) athletics at the 2012 Summer Olympics – women's 4 × 100 metres relay (en) (2.) athletics at the 2016 Summer Olympics – women's 100 metres (en) (3.) athletics at the 2016 Summer Olympics – women's 4 × 100 metres relay (en) (2.) Atletismoa 2020ko Udako Olinpiar Jokoetan - Emakumezkoak 100 metro (2.) Atletismoa 2020ko Udako Olinpiar Jokoetan - Emakumezkoak 200 metro (4.) Atletismoa 2020ko Udako Olinpiar Jokoetan - Emakumezkoak 4 × 100 metro erreleboak (1.)
Pisua	57 kilogramo
Altuera	152 zentimetro
Jasotako sariak	ikusi 100 Emakume (BBC)  (2019)

2008ko Udako Olinpiar Jokoetan 21 urte besterik ez zituela 100 metroko lasterketa 10,78 segundoko denboraz irabazteagatik ospea bereganatu zuen, urrezko domina irabaziz. Proba honetako bitxikeria bera lehenbiziko irabazleak jamaikarrak izatea izan zen, beste bi lasterkariak Kerron Stewart eta Sherone Simpson izan zirelarik.

2009an Berlin hirian jokatutako Munduko Atletismo Txapelketan ere 100 metroko lasterketa 10,73 segundoko denborarekin irabazi zuen, bigarrena Kerron Stewart jamaikarra (10,75) eta hirugarrena Carmelita Jeter estatubatuarra (10,90) gelditu zirelarik. 10.73 segundoko denbora hori emakumezko 100 metroko lasterketako garai guztietako hirugarren markarik onena da, bai eta emakumezko jamaikar lasterkari batek ordura arte 100 metroko lasterketan inoiz lortutako markarik onena ere. Txapelketa honetan bertan 4x100 metroko errelebo lasterketan parte hartu eta urrezko domina irabazi zuen emakumezko jamaikar taldeko lau lasterkarietako bat ere izan zen, beste hiruak Kerron Stewart, Simone Facey eta Aleen Bailey izan zirelarik.

2012ko Udako Olinpiar Jokoetan 100 metroko lasterketa ere irabazi eta 10,75 segundoko markarekin urrezko domina bereganatu zuen, bigarren postuan gelditu zen Carmelita Jeter estatubatuar lasterkariak baino 3 ehuneneko gutxiagorekin. 200 metroko lasterketan ere parte hartu eta bigarren iritsi zen Allyson Felix eta Carmelita Jeter estatubatuarren artean, zilarrezko domina irabaziz, eta bere markarik onena eginez (22,09 segundo).

2021eko uztailak 22 12:20

Ama izan ondoren, itzulera ikusgarria izan zuen 2019an, Dohako Munduko Txapelketan. 100 metroak irabazi zituen, 10,71ko marka eginez. [1]