Shadow of the Vampire
Shadow of the Vampire (euskaraz Banpiroaren Itzala) 2000ko E. Elias Merhige estatubatuar zinema zuzendariak zuzendutako umore beltzezko eta beldurrezko film bat da. John Malkovich, Willem Dafoe, Cary Elwes, John Aden Gillet, Eddie Izzard, Udo Kier, Catherine McCormack eta Ronan Vibert aktoreek antzeztu zuten.
| Shadow of the Vampire | |
|---|---|
| Jatorria | |
| Argitaratze-data | 2000 |
| Izenburua | Shadow of the Vampire |
| Jatorrizko hizkuntza | ingelesa alemana |
| Jatorrizko herrialdea | Erresuma Batua, Ameriketako Estatu Batuak eta Luxenburgo |
| Banatze bidea | eskatu ahalako bideo |
| Ezaugarriak | |
| Genero artistikoa | beldurrezko zinema, vampire film (en)  eta film dramatikoa |
| Iraupena | 91 minutu |
| Kolorea | koloretakoa |
| Grabazio lekua(k) | Luxenburgo |
| Zuzendaritza eta gidoia | |
| Zuzendaria(k) | E. Elias Merhige (en) |
| Gidoigilea(k) | Steven A. Katz (en) |
| Antzezlea(k) | |
John Malkovich (F.W. Murnau) Willem Dafoe (Max Schreck (en) , Count Orlok (en) )Udo Kier (Albin Grau (en) )Cary Elwes (Fritz Arno Wagner) Catherine McCormack (Greta Schröder (en) )Eddie Izzard (Gustav von Wangenheim) Aden Gillett Ingeborga Dapkūnaitė (en) Myriam Muller (en) Ronan Vibert Patrick Hastert (en) Sascha Ley (en) | |
| Ekoizpena | |
| Ekoizlea | Nicolas Cage |
| Konpainia ekoizlea | Saturn Films (en) BBC Film (en) Madman Entertainment (en) |
| Ekoizpen-diseinatzailea | Assheton Gorton (en) |
| Bestelako lanak | |
| Musikagilea | Dan Jones (en) |
| Fikzioa | |
| Kontakizunaren tokia | Polonia |
ikusi
| |
| Historia | |
| Nominazioak | Taldeko gizonezko aktore onenaren Oscar Saria 73. Oscar Sariak Willem Dafoe Makillaje onenaren Oscar Saria 73. Oscar Sariak Ann Buchanan, Amber Sibley (en) |
           | |
Gizonezko bigarren aktore onenaren Oscar Sariaren izendapena jaso zuen (Willen Dafoe).
Film hau 1922ko Nosferatu - Izuikarazko Sinfonia beldurrezko film mutu ospetsuaren filmaketa eta bere inguruko zurrumurru edo hiri kondairetan oinarritua dago. Hiri kondaiara horren arabera, film honetako protagonista nagusia eta Nosferatu banpiroa antzezten zuen Max Schreck (Willem Dafoek antzeztua) alemaniar aktorea benetazko banpiroa omen zen, eta antzeztu baino bere burua zen bezalakoa agertarazi besterik ez omen zuen egin. Noski, nahiz eta filma estreinatu zenetik denbora ugari igaro eta gaur egun arte iritsi den esamesa izan, ikerlari eta zinemazaleek gezur hutsa den esamesa dela maiz frogatu izan dute, izan ere, Max Schreck film hau burutu aurretik antzerkigintzan antzezlan ugari antzeztuz ibilbide oparoa eta luzea zuen aktorea dela aski egiaztatua dago, eta film hau antzeztu ondoren ere beste hainbat film ugaritan antzeztu izan zuen.
Argumentua
1921, F.W. Murnau (John Malkovich) zuzendaria Ekialdeko Europan Nosferatu filmatzen ari da. Zuzendariak ordurarte inoiz ikus den film errealistena burutzeko asmoa du, horretarako filmaketan buru-belarri sartu eta xehetasun guztiak kontrolpean edukiko ditu.
Bestalde, Max Schreck (Willem Dafoe) aktore nagusiaren portaera bitxiarekin guztiz harriturik dauden filmaketa teknikari eta gainotzeko aktore taldea lasaitze aldera, Schreck aktore belaunaldi berriko onena dela aipatuko die: alegia, bere lanbide oso serio eta irmo hartu eta antzezten duen pertsonaian sakonki barreiatzen den metododun aktorea dela, aktoreen maisu den Stanislavsky berak irakatsia.
Schereckek Murnauk burutan duen eta hainbesteko irrikiz desio duen antzezpena burutzen badu, Murnauk sari bezala, filmaketa amaitzean, filmeko izar nagusia den Greta (Catherine McCormack) emakumezko aktore ederraren lepo goxoa trukean eskeiniko diola hitzeman dio.
Aktoreak
- John Malkovich: Frederich Wilhelm Murnau, Nosferatu filmaren zuzendaria
- Willem Dafoe: Max Schreck aktorea, Orlok kondearen antzezlea
- Udo Kier: Albin Grau, okultista; filmaren ekoizle, zuzendari artistiko eta jantzi-diseinatzailea.
- Cary Elwes: Fritz Arno Wagner, zinema argazkilaria
- Catherine McCormack: Greta Schroeder aktorea, Ellen Hutter/Mina Harker pertsonairen antzezlea
- Eddie Izzard: Gustav von Wangenheim aktorea, Thomas Hutter/Jonathan Harker pertsonaiaren antzezlea
- John Aden Gillet: Henrik Galeen, gidogilea
- Nicholas Elliott: Paul
- Ronan Vibert: Wolfgang Muller
- Sophie Langevin: Elke
- Myriam Muller: Maria
