Sergei Vinogradski

Sergei Nikolaievitx Vinogradski (ukraineraz: Сергій Миколайович Виноградський, errusieraz: Серге́й Николаевич Виноградский; Kiev, Errusiar Inperioa, 1856ko irailaren 13a^greg./irailaren 1a^jul. - Brie-Comte-Robert, Frantzia, 1953ko otsailaren 24a) mikrobiologian nabarmendutako zientzialaria izan zen. Errusiarra zen, gaur egungo Ukrainan jaioa. Funtsezko ekarpenak egin zituen XIX. eta XX. mende bitarteko urteetan, batik bat bakterioen fisiologiaren arloan. Pasteurrek mikrobiologia medikoaren esparruan egindako ekarpenen modukoak dira bakterioen fisiologian Winogradskyk egindakoak.

Sergei Vinogradski
Irudi gehiago
Bizitza
Jaiotzako izen-deiturak	Сергей Николаевич Виноградский
Jaiotza	Kiev, 1856ko irailaren 1a (juliotar egutegia)
Herrialdea	Errusiar Inperioa  Frantzia
Heriotza	Brie-Comte-Robert, 1953ko otsailaren 24a (96 urte)
Heriotza modua	berezko heriotza: tuberkulosia
Familia
Anai-arrebak	ikusi Alexander Winogradsky (en)
Hezkuntza
Heziketa	Faculty of Physics and Mathematics of the Saint Petersburg University (en)
Tesi zuzendaria	Heinrich Anton de Bary (en)
Hizkuntzak	frantsesa errusiera
Ikaslea(k)	ikusi Vasily Omeliansky (en) Danylo Zabolotny (en)
Jarduerak
Jarduerak	katedraduna, botanikaria, bakteriologoa, ekologoa, mikrobiologoa eta biokimikaria
Lantokia(k)	Paris eta San Petersburgo
Enplegatzailea(k)	Zürich Institute of Experimental Medicine (en) Pasteur Institutua
Jasotako sariak	ikusi Leeuwenhoek Medal  (1935) Foreign Member of the Royal Society  (1919ko ekainaren 26a)
Influentziak	Heinrich Anton de Bary (en)
Kidetza	Royal Society Sobietar Batasuneko Zientzien Akademia San Petersburgoko Zientzien Akademia Suediako Zientzien Errege Akademia XL izeneko Zientzien Akademia Nazionala Russian Academy of Sciences (1917–1925) (en) Arteen eta Zientzien Herbehereetako Errege Akademia

San Petersburgoko unibertsitatean kimika eta botanika ikasi zuen, eta bertan hasi zen mikrobiologiako lanak burutzen. Suitzara joan ondoren, 1922. urtean Frantziara abiatu zen, Pasteur Institutuan lan egiteko. Han bizi izan zen hil arteraino (1953).

Lurreko bakterioak ikertzen Vinograskik bakterio nitrifikatzaileekin egin zuen topo (Nitrosomonas, Nitrobacter...). Bakterio horiek nitrifikazioa (nitrogeno amoniakoa nitrato bihurtzea) egiten zutela frogatu zuen.

Bakterio nitrifikatzaileak eta sufrea oxidatzen duten bakterioak ikertuz, kimiolitotrofoaren kontzeptua asmatu zuen, behar duten energia materia inorganikoa oxidatuz lortzen duten bakterioak izendatzeko. Eta baita autotrofo kontzeptua ere, atmosferako CO₂ eskuratzen duten mikrobioei dagokiena. Bi kontzeptu hauek definitzen lehena izan zen Vinagrodski, sekulako ekarpena eginez mikrobiologiari.

Horretaz gain, zientzialari ukrainarra lehenengo bakterio nitrogeno-finkatzailea isolatu zuen (Clostridium pasteurianum anaerobioa), eta nitrogenoaren finkapena bakterioen jardunaren ondorioa zela ezarri zuen. Horra hor Vinagrodskik mikrobiologiaren historian jarritako beste mugarri bat.