Serafín Ajuria

Serafín Ajuria Urigoitia (Bilbo, 1879ko uztailaren 27a - Gasteiz, 1937ko martxoaren 3a) arabar enpresaburua izan zen.

Serafín Ajuria
Bizitza
Jaiotza	Bilbo, 1879ko uztailaren 27a
Herrialdea	Bizkaia, Euskal Herria
Heriotza	Gasteiz, 1937ko martxoaren 3a (57 urte)
Hobiratze lekua	Santa Isabel hilerria
Familia
Anai-arrebak	ikusi Carlos Ajuria
Hezkuntza
Hizkuntzak	gaztelania
Jarduerak
Jarduerak	enpresaburua eta politikaria

Bilbon jaio arren, bere bizitza pertsonala eta politikoa Araban egin zuen, hain zuzen ere bere aitonaren herrian, Araian, igaro zuen denbora gehien. Bertan hasi zuen jarduera industriala, Carlos anaiarekin. 1901ean, bere bazkide Segundo Aranzabalekin batera, krisian zegoen Metalúrgica Vitoriana enpresa erosi zuten. Bertan, altzairua lortzeko espainiar fabrikazioko lehen labe elektrikoak muntatu zituzten. Aranzabal 1923an hil zenean, Ajuria, S.A. enpresa sortu zen, eta hil arte zuzendu zuen.[1]

Garai hartan, probintziako diputatu, Gerrako Batzorde Karlistako kide, Hospizioko Batzordeko kide, Espainiako Bankuko kontseilari eta San Migel parrokiako fabrika-batzordeko kidea izan zen.

Gaur egun Eusko Jaurlaritzako Lehendakariaren egoitza ofiziala den Ajuria Enea jauregitxoaren lehen jabea izan zen.