Septuaginta

Biblia grekoa, normalean Septuaginta (latinez: septuāgintā) edo Hirurogeita Hamarreko Biblia (antzinako grezieraz: ἡ μετάφρασις τῶν ἑβδομήκοντα) deitua, eta, orokorrean, LXX soilik laburtua, Tanakh edo Hebrear Bibliaren hebreerazko eta aramearrezko testuen koinézko itzulpena da. Monoteismo judu eta israeldarra azpimarratzen duen sintesi bat irudikatzen du, baita bere etikaren izaera unibertsalista ere.[1]

Septuaginta
Jatorria
Izenburua	Ἡ μετάφρασις τῶν Ἑβδομήκοντα
Honen izena darama	Hirurogeita hamar
Ezaugarriak
Genero artistikoa	Bible translation (en)
Hizkuntza	Jewish Koine Greek (en)
Deskribapena
Honen parte da	Biblical literature (en)

Greziar hizkera eta kulturazkoak ziren Judeatik haratago mundu osoko antzinako komunitate juduek, eta ondoren antzinako eliza kristauek, Biblia Septuaginta erabili zuten.[2] Izan ere, Biblia kristauen Itun Zaharreko liburuen banaketa, sailkapena, ordena eta izenak (kristau ortodoxoak Ekialdean, katolikoak eta protestanteak Mendebaldean) ez datoz Tanakh edo Hebrear Bibliatik, Septuagintako juduen eta kristauen kodexetatik baizik.