Sefora

Hebrear Biblian Sefora Jetroren zazpi alabetako bat zen. Jetro Midianeko apaiza zen Kenite artzaina zen.[6] Irteera 2:18an Jetrori ere Reuel deitzen zaio.[7] Israeldarrak/Hebrearrak Egipton gatibu zeuzkaten bitartean, Moisesek hebrear bat erasotzen ari zen egiptoar bat hil zuen. Honengatik, faraoiak Moises hil egin nahi izan zuen. Moisesek, beraz, Egiptotik ihes egin zuen eta Midianera iritsi zen. Egun batez, putzu baten ondoan eserita zegoen bitartean, Jetroren alabak aitaren artaldeari edaten ematera hurbildu ziren. Beste artzainak iritsi ziren eta neskak bota zituzten, haien artaldeek ura lehenago edan zezaten. Moisesek neskek defendatu zituen eta beren artaldeari edaten eman zien.

Beren etxera itzuli zirenean, aitak galdetu zien: "Nolatan etorri zarete hain goiz etxera?" Neskek erantzun zioten: "Egipziar batek artzainengandik babestu gaitu, baita guretzako ura atera eta artaldeari edaten eman ere". "Non da bera orduan?" galdetu zien Jetrok. "Zergatik utzi duzue gizona? Gonbidatu ezazue afaltzera". (Irteera 2: 18-20). Jetrok, orduan, Moisesi Sefora emazte gisa eman zion (Irteera 2:21).

Jainkoak agindu bezala, Moisesek bere emazte eta seme alabak hartu eta Egiptora bere bidaia hasi zuen, israeldarrak askatzeko. Bidean, ostatu batean gelditu ziren, non Jainkoa Moises hiltzera joan zen (Irteera 4: 24-27). Seforak bere semea erdaindu egin zuen harri zorrotz batekin eta harekin Moisesen oinak ukitu zituen, esanez: "Dudarik gabe odoleko senarra zara niretzat!" Orduan Jainkoak Moises bakarrik utzi zuen (Irteera 4: 25-26). Hala ere, pasartearen zehaztasunak ez daude oso argi eta eztabaida gai dira.

Miriam eta Aaron Moisesi kexatzen, 1908ko grabatuta

Moisesek israeldarrak Egiptotik atera ondoren, eta Amaleken aurka borroka bat irabazi ostean, Jetro Sinaiko basamortuan ezarri zen hebrear kanpamentura iritsi zen, harekin Sefora, Gershom eta Eliezer eramanez. Bibliak ez du esaten noiz elkartu ziren berriro Sefora eta bere semeak Jetrorekin. Jainkoak israeldarrek egin zutenaren berri eman ondoren, Moisesi familia eraman ziola da esaten den bakarra.[8]

Moisesen emaztea Kuxtar etniako kide bezala aurkezten da.[9] Istorioan Aaron eta Miriamek Moises gogor kritikatzen duten Moisesen ezkontza emakume kuxtar batekin, Egiptora israeldarrak askatzeko itzuli zenean. Kuxak (a.k.a. Nubia) Afrikako ipar-ekialdeko Kuxen edo arabiarren arbasoak izan ziren. Midianitarrak beranduago Bibliakoak ez diren iturrietan azal beltzeko bezala deskribatzen dira eta Kushim deituak izaten dira, azal beltzeko afrikarrak izendatzeko hebreerazko hitza.[10][11]