Sebastian Albero

Sebastian Albero
Bizitza
Jaiotzako izen-deiturak	Sebastián Ramón de Albero Añanos
Jaiotza	Erronkari, 1722ko ekainaren 10a
Herrialdea	Nafarroa Garaia, Euskal Herria
Heriotza	Madril, 1756ko martxoaren 30a (33 urte)
Hezkuntza
Hizkuntzak	gaztelania
Jarduerak
Jarduerak	musikagilea, organista eta klabezin-jotzailea
Musika instrumentua	organoa; Klabizenbaloa

Sebastian Albero Añanos (Erronkari, Nafarroa, 1722ko ekainaren 10a - Madril, 1756ko martxoaren 30a) klabezin jotzailea ospetsua izan zen. Musikagile ere izan zen: beste lanen artean haren klabezinerako hogeita hamar sonata ezagutzen dira, 1978an argitaratutakoak. 1734an Iruñeko Andre Maria Erreginaren katedralaren abesbatzan sartu zen eta 1739 arte izan zen ikasle moduan. Madrilgo Errege Kaperan organista izan zen.

Madrilgo Errege Kaperaren organista izan zen.

Biografía

Sebastian Albero 1734an, hamabi urte zituelarik, Iruñeko Andre Maria Erreginaren katedralaren haur abesbatzan sartu zen; adin hori nahiko berantiarra zen eta, horregatik, pentsatzekoa da aurretik musika ikasketak bazituela. Han 1739 arte egon zen Miguel Vallsekin eta haren ondorengoa izan zen Andres Eskaregirekin, hau da, katedralaren kapera maisuarekin ikasten. Urte haietan bereziki teklatu eta konpozisio ikasketetan sakondu zuen.

1746an Madrilgo Errege Kaperan organista bezala aurkitzen dugu. Lanpostu horretan bere lan nagusia Fernando VI. erregerako musika egitea. do izan zen; hari eskaini zion , Obras para clavicordio y pianoforte lana, alegia. Madrilen beste musikagile ospetsuekin aritzeko aukera izan zuen, besteak beste, José de Nebra eta Domenico Scarlatti.

Obra

Sebastian Albero oso gazte hil zen, 33 urterekin. Hala ere, oso obra garrantzitsua utzi zuen, XVIII. medeko nagusietariko bat. Genoveva Gálvez kritikariaren arabera Alberoren sonatetan gero oso modan jarriko zen estilo melankolikoa antzeman daiteke. Haren obra bi eskuizkribuetan gordetzen da:

Treinta sonatas para clavicordio, Veneziako Biblioteca Nazionale Marcianan.
Obras para clavicordio o pianoforte, Madrilgo Kontserbatorioan gordeta.[1]

Musika Eskola

Gaur egun Iruñeako musika eskola pribatu batek bere izena du.[2]

Erreferentziak

Kanpo loturak

Allegressi in C Major Youtuben.
Sonata in B minor Youtuben.
(Gaztelaniaz): Sebastian Albero Auñamendi Entziklopedian.
(Gaztelaniaz): La música para tecla española del siglo XVIII izeneko dokumentua.
(Ingelesez): Sebastián de AlberoEarly keyboard music (Antzinako musika teklaturako)

Datuak: Q5392197
Multimedia: Sebastián de Albero / Q5392197

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] ttp://imslp.org/wiki/30_Keyboard_Sonatas_(Albero,_Sebastián)

[2] ttp://www.sebastiandealbero.com