Sebastián Mendívil
Sebastián Mendívil Urquijo[1] (Barakaldo, 1915eko urtarrilaren 20a- 2014ko ekainaren 4a) bizkaitar anarkista izan zen, Euzko Gudarostearen eta CNTren Bakunin batailoiko tenientea izan zen.
| Sebastián Mendívil | |
|---|---|
| Bizitza | |
| Jaiotza | Barakaldo, 1915eko urtarrilaren 20a |
| Herrialdea |  Bizkaia, Euskal Herria |
| Heriotza | 2014ko ekainaren 4a (99 urte) |
| Hezkuntza | |
| Hizkuntzak | gaztelania euskara |
| Jarduerak | |
| Jarduerak | kontularia, borrokalaria eta esperantista |
| Zerbitzu militarra | |
| Adar militarra | Eusko Gudarostea |
| Gradua | teniente |
| Parte hartutako gatazkak | Espainiako Gerra Zibila Bigarren Mundu Gerra |
Biografia
Done Bikendiko familia sozialista batean jaioa, 1931n Labe Garaietan hasi zen lanean. Gerra Zibila piztu zutenean, miliziano eta gudaria izan zen. Santoñako hitzarmena eta gero, itsasontzi batean atxilotu zuten eta Eskolapioen presondegitik ihesi ondoren, Gurseko kontzentrazio-esparruan preso hartu zuten.[2]
Bigarren Mundu Gerran naziek atxilotu zuten baina Erresistentzian sartzea lortu zuen. 1949an etxera itzuli eta Teodora Urkiagarekin ezkondu zen. Kontulari moduan lan egin zuen eta sozialista bilakatu zen.[3]
Liburuak
Memoria-liburu bi idatzi ditu:
- Miliciano, militar y fugitivo: Memorias de un baracaldés (1992)
- Euskal Herria, la nación de los vascos: Reflexiones de un baracaldés (1996)
Erreferentziak
- Abizenak Mendívil Urquijo idaztea euskal herritar honen aukera pertsonala da. Izan ere, Euskaltzaindiak, euskara baturako, Mendibil Urkixo onartu du deitura horien grafiatzat. Ikus Euskal Onomastikaren Datutegia.
- La longeva historia de amor del socialista y la emakume
- Gorriti, Iban. (2014/06/07). «La cara visible del batallón Bakunin de la CNT» Deia.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.