Seaska (ikastolen elkartea)

Seaska, Iparraldeko ikastolen federazioa da, Lapurdin, Behe Nafarroan eta Zuberoan haurren euskarazko hezkuntza segurtatzea helburu duena. 1969an sortu zen.

Seaska
Herri Urrats jaia
Herri Urrats jaia
Sorrera1969
LurraldeaEuskal Herria Ipar Euskal Herria
LehendakariaPeio Jorajuria (2019-)
EgoitzaPouponniere Bidea, 64250
Kanbo, Lapurdi
EkitaldiakHerri Urrats
WebguneaWebgune ofiziala

2019ko Irailean 32 ama-ikastola eta lehen mailakoak zituen, 4 bigarren mailako kolegioak eta lizeo bakarra. Herrialdeei dagokienez, 26 Lapurdin daude, 9 Nafarroa Beherean eta 2 Zuberoan.

2019ko Irailetik goiti Peio Jorajuria da elkartearen lehendakaria, eta Hur Gorostiaga zuzendaria.

Historia

1969ko apirilaren 30an sortu zuten Seaska: Lapurdi, Nafarroa Beherea eta Zuberoako ikastolen federazioa. Hainbat familia eta irakasle baten bultzadarekin, lehen ikastola zabaldu zuten Arrangoitzen. Ordutik Ipar Euskal Herriko haurrek euskaraz ikasteko duten eskubidearen berme bakarretakoa izan da, eta milaka haur pasa dira haren zentroetatik. Frantziako Hezkuntza Ministerioen aurrean borroka ugari planteatu ditu, izan finantzazioagatik edo ikasleek azterketak euskaraz pasatzeko duten eskubidearen alde, sarritan desobedientzia ekimenekin.[1]

Kronologia

Seaskaren egitura

Orotara 2023ko sarreran, 39 ikastetxe ditu Seaskak Lapurdi, Zuberoa eta Nafarroa Beherean, eta 4300 ikasle eskolatzen ditu.[9][10]

Seasko ama eskolak

Ama eskola eta lehen mailako 33 ikastetxe ditu:

Seaskako ikastolak mapa interaktibo batean (2021)
Izena Herria Sorturtea
Donibaneko ikastola Donibane Lohizune 1970
Zaldubi ikastola Senpere 1971
Gure ikastola Hendaia 1971
Louis Dassance ikastola Uztaritze 1972
Eperra ikastola Sohüta 1972
Ezkia ikastola Hazparne 1972
Garaziko ikastola Donibane Garazi 1972
Azkaingo ikastola Azkaine 1972
Amikuzeko ikastola Donapaleu 1973
Itsas-argi ikastola Biarritz 1974
Hiriondo ikastola Baiona 1974
Oihana ikastola Baiona 1974
Errobi ikastola Kanbo 1976
Olhain ikastola Sara 1977[11]
Basabürüko ikastola Aloze 1978
Ortzaizeko ikastola Ortzaize 1985
Oztibarreko ikastola Larzabale 1991[12]
Urruñako ikastola Urruña 1995
Kimua ikastola Angelu 1997
Ametza ikastola Hiriburu 2004
Baigorriko ikastola Baigorri 2005
Arberoa ikastola Donamartiri 2008[13]
Uhabia ikastola Bidarte 2009
Arrokagarai ikastola Itsasu 2010
Baigura ikastola Lekorne 2010
Kaskarotenea ikastola Ziburu 2012
Beskoitzeko ikastola Beskoitze 2013
Biriatuko ikastola Biriatu 2015
Biez Bat ikastola Basusarri 2015
Munhoa ikastola Azkarate 2015
Hatsa ikastola Bokale 2017
Alhorga ikastola Ahetze 2019
Xarnegu ikastola Bardoze 2021[14]

Bigarren mailako ikastetxeak 6 dira:
Bernat Etxepare Lizeoa - (Baiona, 2017)

Bigarren mailako ikastetxeak 6 dira Seaskan:

Elkarlana

Seaska Euskal Herriko Ikastolen Konfederazioaren barruan dago.

Seaskak Angelun antolatutako Glisseguna

Ipar Euskal Herrian euskarazko irakaskuntzak ikasturte hasiera orotan frantses administrazioaren aldetik pairatzen dituen arazoei aurre egiteko, arlo horretan lan egiten duten beste bi elkarterekin (Biga Bai Ikas-Bi hezkuntza publikoko adar elebidunetako gurasoen elkartea eta Euskal Haziak eskola giristinoetakoa) Hiru Sareta deritzon bilgunea sortu du.

Frantses estatuko beste herri batzuetan dauden antzeko elkarteekin ere (Alsaziako ABCM Zweisprachigkeit, Ipar Kataluniako Bressola, Okzitaniako Calandreta, Bretainiako Diwanekin eta Korsikako Scola Corsa) sarritan elkarlana egiten du eta Eskolim federazioa sortu du.

Lehendakari izandakoak
Seaskako lehendakari izandakoei omenaldia 2019an Bernat Etxepare Lizeoan ikasturte hasierako ekitaldian egin zitzaien omenaldian.

Hauek izan dira Seaskako lehendakariak 1969an elkartea sortu zenetik:

Zuzendari izandakoak

3 zuzendari izan dira hasieratik:

  • 1992-2000: Estebe Eyherabide
  • 2001-2008: Pantxika Ibarboure
  • 2008tik: Hur Gorostiaga

Erreferentziak
  1. https://www.argia.eus/efemerideen-kanala/seaska-sortu-zuten-lapurdi-nafarroa-beherea-eta-zuberoako-ikastolen-federazioa
  2. Hitzarmenaren berria kazeta.info webgunean (2009-5-5)
  3. M. A. Txoperena Iribarren, «Hendaia eta Beskoitze, Fallouxen bi aurpegiak», Berria, 2014-11-08
  4. «3.220», Berria, 2014-11-08
  5. Beñat Etxepare lizeoa. Aurkezpena.. (Noiz kontsultatua: 2018-09-10).
  6. Asurmendi, Mikel. (2017ko ekainaren 25a). «25 ikaslek estreinatuko dute Lanbide Heziketa saila» Argia.eus (Noiz kontsultatua: 2018-09-10).
  7. Seaska.eus. (Noiz kontsultatua: 2018-09-10).
  8. Asurmendi, Mikel. (2019-07-17). «Seaskak 19,5 lan-postu erdietsi eta Hezkunde Nazionalarekin hitzarmena sinatu du» Argia (Noiz kontsultatua: 2019-07-17).
  9. Seaska.eus | Sarte Historikoa. (Noiz kontsultatua: 2019-09-05).
  10. Beloki, Ekhi Erremundegi. «Ikastolei buruzko Bernabe txostenik ba ote den galdetu du Seaskak» Berria (Noiz kontsultatua: 2021-11-24).
  11. «Olhain Ikastola - Mendialdea» Erran.eus (Noiz kontsultatua: 2021-12-24).
  12. (Frantsesez) «Historia» Oztibarreko ikastola webgunea ! Site de l' ikastola d'Oztibarre ! (Noiz kontsultatua: 2021-12-23).
  13. (Frantsesez) «SARTZEA!!!!!!!!!!!!!!!!!!!!!! - Arberoako ikastola» arberoaikastola.canalblog.com 2008-09-03 (Noiz kontsultatua: 2021-12-23).
  14. (Frantsesez) «Bardozen, "Xarnegu ikastola" berria sortzen da» France Bleu (Noiz kontsultatua: 2021-11-24).
  15. Teyseyre Koskarat, Oihana. (2023-09-04). «Kattalin Elizalde kolegioa estreinatu dute» Berria (Noiz kontsultatua: 2023-09-04).
  16. Torre, Gorka; Petxarroman, Iñaki. (1998-08-27). «Jean Louis Maitia zendu da Kultur eragile bat galdu du Euskal Herriak Urteetan euskararen aldeko borrokalaria izan dena, 55 urtetan hil da ustez bihotzekoak jota.» Euskaldunon Egunkariaren hemeroteka. 1990-2003. (Berria.eus) (Noiz kontsultatua: 2019-11-01).

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.