Schnepfenthaleko Salzmann Ikastetxea

Schnepfenthaleko Salzmann Ikastetxea bigarren hezkuntzako zentro publiko alemaniarra da, hizkuntzetako batxilergoan espezializatua. Schnepfenthalen dago, Turingiako Waltershausen udalerriko auzo batean, eta filantropismoan oinarritutako lehen ikastetxe historikoetako bat izan zen.[1]

Schnepfenthaleko Salzmann Ikastetxea
Kokapena
Estatu burujabe Alemania
Alemaniako estatua Turingia
Rural district of ThuringiaGotha barrutia
Alemaniako hiri-udalerriWaltershausen
Koordenatuak50°53′00″N 10°34′26″E
Map
Historia eta erabilera
Irekiera1784
Kontaktua
HelbideaKlostermühlenweg 2–8
Webgune ofiziala

    Historia

    Ikastetxea 1784an sortu zen, "Philanthropin Schnepfenthal" izenarekin, Christian Gotthilf Salzmann-en ekimenez, Philanthropinum Dessau ikastetxearen ereduari jarraituz filantropismoaren printzipioetan oinarriturik. Ikasleak Alemaniako leku guztietatik etortzen ziren. Ohiko ikasgaiez gain, gorputz hezkuntza eta lan praktikoa ere ematen ziren; orduko zenbait kirol ekipamendu oraindik zutik diraute, eta urtero erabiliak dira gimnasia erakustaldi tradizionaletan.

    Ikasle eta irakasle ospetsuak

    Ikasle izandako pertsona ospetsuen artean Johann Matthäus Bechstein, Carl Ritter, Carl André eta Franz von Schober daude. Irakasleen artean, berriz, ezagunena ziurrenik Johann Christoph Friedrich GutsMuths da, kirolaren eta geografia ikasgaien garapen zientifikoan ekarpen nabarmena egin zuena. Sortzaile eta irakasle asko bertako basoko hilerrian ehortzirik daude.

    Gimnasia eremu historikoa
    Gimnasia eremu historikoa.

    Schnepfenthaler kirol zelaiaren ondoan, basoan, Salzmannek sortutako eta GutsMuths-ek garatutako gimnasia eremu historikoa dago. Bertan eskolako gimnasia taldeak entrenatzen du, eta erakustaldietan jantzi historikoa berreskuratuz (praka zuriak, elastiko gorria).

    Bilakaera

    Gerra Hotzaren garaian bigarren hezkuntzako ikastetxe berezia izan zen, Alemaniako Errepublika Demokratikoaren barruan. Atzerriko hizkuntzetan sakontzen zuen (ingelesa, frantsesa, errusiera, italiera) eta barnetegi bat zuen. Berlingo Harresia eraitsi ostean, eta 2001. urteaz geroztik ("Hizkuntzen Europako Eguna" ren urteurrena) ikastetxea hizkuntzen batxilergo barnetegi berezia da.

    Freundeskreis Salzmannschule izeneko elkarteak eskolako tradizioak jagoten ditu. 2015eko otsailean ikasleen laguntza-elkartea sortu zen.

    Erreferentziak
    1. Pädagogische Welt - Salzmanns Schnepfenthal ausgewählte Texte. 2007 ISBN 978-3-938203-49-1. PMC 180156834. (Noiz kontsultatua: 2021-06-14).

    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.