Saxoniako Dukerria
Saxoniako Dukerria (behe-alemanez: Hartogdom Sassen, alemanez: Herzogtum Sachsen) iparraldeko Alemaniako zatirik handiena hartzen zuen Erdi Aroko dukerria izan zen. Gaur egungo Saxonia Beherea, Ipar Renania-Westfalia, Schleswig-Holstein, Saxonia-Anhalt estatuak eta Saxoniako parte bat hartzen zituen.
| Saxoniako Dukerria Hartogdom Sassen - Herzogtum Sachsen | |||||||
|---|---|---|---|---|---|---|---|
| 804 – 1296 | |||||||
| Dukerria | |||||||
| |||||||
 Saxoniako 1000. urte aldean. XIX. mendeko mapa | |||||||
| Geografia | |||||||
| Historia | |||||||
| Karlomagnok eratu zuen | 804 | ||||||
| Behin betiko zatiketa | 1296 | ||||||
| |||||||
Historia
K. o. 200. urte aldera kokatu ziren saxoiak egungo Alemaniako ipar-mendebaldean. V. mendean mendebal aldera zabaldu ziren, eta haietako asko Britainiar uharteetara igaro ziren.
VIII. mendearen bukaeran, Karlomagno errege frankoa nagusitu zen haien lurraldeaz, eta urte haietan hasi ziren saxoniarrak kristautzen. 843. urtean, Ekialdeko Frantziaren, edo Germaniako erreinuaren, barnean geratu zen Saxoniako dukerria.
962. urtean Germaniako enperadore egin zuten Oton Handia, Henrike Saxoniako dukearen semea. 1024 arte Germaniako erregeak eman zituen Saxoniako dinastia sortu zuen Henrike Saxoniakoak; germaniarrak ekialdeko lur eslaviarretara zabaldu ziren garai hartan.
961-1106 bitartean Billung familiaren esku egon zen duke titulua. 1142an Welf etxearen eskuetara igaro zen, eta 1180an Frederiko I.a Bizargorrik dukerria hautsi eta bi lurraldek hartu zuten aurrerantzean Saxonia izena: Saxonia-Lauenburgek, Holsteinen hego-ekialdean, eta Saxonia-Wittenbergek, Elba ibaiaren erdialdeko arroatik ekialdera. XIII. mendean hautesle titulua eman zioten Saxoniako dukeari eta 1296. urtean betiko bereizi ziren Lauenburg eta Wittenberg etxeak.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2015/07/04 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
