Sauveur Baxo

Biografia

Donaixti-Ibarren jaio zen baserri giroan; aldiz, enpresaren munduan aritu da eta hori dela eta CFDT sindikatuko kidea da; bertan Nafarroa Behereko eta Ipar Euskal Herriko eledun eta arduradun nagusia izan da.

2001etik Arberatze-Zilhekoako auzapeza da. Hainbeste hauteskundetara aurkeztu da; alderdirik gabea[2], behin baino gehiagotan Donapaleuko kantonamenduan hautagaia izan da, bai etiketarik gabe bai Frantziako Alderdi Sozialista[3] edo "frantses ezkerraren" inguruaren laguntzarekin. 2011ko Senaturako hautagaia izan zen Europe Écologie Les Verts-Eskualde eta Herri Solidarioak koalizioaren izenean, Pirinio Atlantikoak departamenduan zerrendaburua izan zelarik; bigarren itzulirako koalizioak PSrekin bi zerrendetako hautagaiei botoa eman eta eskuinari senatari posturen bat kentzearen aldeko ituna egin zuten. Horrek Baxo senatari bihurtzea ekar zezakeen baina PSko zenbait hautetsik -batez ere abertzaletasunaren kontrakoenek, adibidez Annie Jarraud-Vergnolle angeluarrak[4]- ez zuten akordioa errespetatu eta arberaztarrak ez zuen kargua erdietsi[5].

Ipar Euskal Herrirako estatus berezituaren alde aritzen den Batera plataformako kidea da.

Erreferentziak
  1. Frantsesez Bacho.
  2. Abertzale et écologistes pour un siège au Sénat, Sud Ouest, 2011ko abuztuaren 27a.
  3. 2008ko kantonamenduetarako hauteskundeetan Frantxua Maitiaren Baxorentzako babes eskutitza.
  4. Le Journal du Pays Basque, 2011ko irailaren 27a.
  5. Désir d'Ecologie bloga.

Ikus, gainera

Kanpo loturak
Biografia Artikulu hau biografia baten zirriborroa da. Wikipedia lagun dezakezu edukia osatuz.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.