Saturday Night Fever
Saturday Night Fever (euskaraz 'Larunbat Gaueko Sukarra') 1977ko John Badham estatubatuar zinema zuzendariaren musikal filma bat da. Nik Cohn idazlearen Tribal Rites of the New Saturday Night eleberrian oinarritua dago.
| Saturday Night Fever | ||||
|---|---|---|---|---|
| Jatorria | ||||
| Argitaratze-data | 1977 | |||
| Izenburua | Saturday Night Fever | |||
| Mugimendua | New Hollywooda | |||
| Jatorrizko hizkuntza | ingelesa | |||
| Jatorrizko herrialdea | Ameriketako Estatu Batuak | |||
| Banatze bidea | eskatu ahalako bideo | |||
| Ezaugarriak | ||||
| Genero artistikoa | musika-filma, sarbide-bizipena eta film dramatikoa | |||
| Iraupena | 118 minutu | |||
| Kolorea | koloretakoa | |||
| Deskribapena | ||||
| Oinarritua | Tribal Rites of the New Saturday Night (en)  | |||
| Honen parte da | National Film Registry (en) | |||
| Grabazio lekua(k) | New York | |||
| Zuzendaritza eta gidoia | ||||
| Zuzendaria(k) | John Badham | |||
| Gidoigilea(k) | Norman Wexler Nik Cohn | |||
| Antzezlea(k) | ||||
John Travolta Fran Drescher Barry Miller Julie Bovasso Karen Lynn Gorney Paul Pape Donna Pescow Martin Shakar Bruce Ornstein Joseph Cali Lisa Peluso Val Bisoglio Robert Costanzo Adrienne King Denny Dillon Sam Coppola | ||||
| Ekoizpena | ||||
| Ekoizlea | Robert Stigwood | |||
| Konpainia ekoizlea | RSO | |||
| Bestelako lanak | ||||
| Musikagilea | Barry Gibb | |||
| Argazki-zuzendaria | Ralf D. Bode | |||
| Jantzi-diseinatzailea | Patrizia von Brandenstein | |||
| Fikzioa | ||||
| Kontakizunaren tokia | Brooklyn | |||
| Historia | ||||
| Jasotako sariak | National Board of Review: Top Ten Films (en) | |||
| Nominazioak | ||||
           | ||||
| kronologia | ||||
| ||||
Filma honek John Travolta aktorea mundu osoan ospetsu bilakarazi zuen, bai eta aurretik aski ezaguna zen Bee Gees ingeles taldearen Stayin' Alive ("Bizirik Egonez") eta Night Fever ("Gaueko Sukarra") abestiak ere, mundu osoko belaunaldi hartako nahiz ondorengo gaztedia dantzan jarriz. Gaur egun kultuzko filma da, batez ere, 1970eko hamarkadako herri kultura eta estetika nahiz disco musika zaleen artean.
1983an Sylvester Stallonek zuzendu eta gidoia idatzi eta Travolta berak antzeztutako Staying Alive jarraipena izan zuen, baina jada jatorrizko filmaren arrakastarik gabe.
Argumentua
1977. urtea, New York hiria, mundu osoko gaztedia disco musikaren doinu erakargarriarekin dantzan dabil. Aste osoz Brooklyn auzoko margodenda baten lanean jardun ondoren, Tony Manero (John Travolta) gaztea larunbat gauaz gozatzeko tentuz prestatu da: Brut koloniaz busti, loredun ator estua, telazko kanpai-galtzak eta plataforma-zapatak jantzi ditu. Hirian moda-modan dagoen diskotekan, Tony dantzalekuko oilarra da, bertaratzen diren guztiak ongien dakien gauza egiten txunditurik lagatzen dituelarik: dantza.
Aktoreak
- John Travolta: Anthony "Tony" Manero
- Karen Lynn Gorney: Stephanie Mangano
- Barry Miller: Bobby C.
- Joseph Cali: Joey
- Paul Pape: Double J.
- Donna Pescow: Annette
- Bruce Ornstein: Gus
- Val Bisoglio: Frank Manero, Sr.
- Julie Bovasso: Flo Manero
- Martin Shakar: Aita Frank Manero, Jr.
- Nina Hansen: Tonyren amona
- Lisa Peluso: Linda Manero
- Sam Coppola: Dan Fusco
- Denny Dillon: Doreen
- Robert Weil: Becker
- Fran Drescher: Connie
- Monti Rock III: DJa
- Ann Travolta: Pizza neska (Travolta aktorearen benetazko ahizpa)
- Helen Travolta: margodendako bezeroa (Travolta aktorearen benetazko ama)
Ikus, gainera
- Staying Alive (1983, "Bizirauten")
- Saturday Night Fever: filmaren soinu-banda
Lanpo loturak
- Saturday Night Fever filmaren iragarkia ikusgai. Youtube.com (Ingelesez)
- IMDBko fitxa irakurgai (Ingelesez)
