Saskatchewan ibaia

Saskatchewan ibaia Kanadako ibai nagusienetariko bat da. Bere 1.392 kilometrotako ibilbideak Kanadako Saskatchewan eta Manitoba probintziak zeharkatzen ditu Winnipeg lakura heldu baino lehen. Egiazki ibai-sistema bat da, Ipar Saskatchewan eta Hego Saskatchewan ibaiek osatua, batera 146.100 km²-ko arroa dutenak. Arroa Kanadako Zabaldi handietara, Albertako Mendi Harritsuetara eta Estatu Batuetako Montana iparraldera hedatzen da.

Saskatchewan ibaia Saskatchewan River (en)
Datu orokorrak
Mota	ibai
Luzera	547 km
Geografia
Koordenatuak	53°14′06″N 105°04′58″W
Estatu burujabe	Kanada
Probintzia	Saskatchewan
Hidrografia
Ibaiadarrak	ikusi Sturgeon-weir River (en) Carrot River (en) North Saskatchewan River (en) South Saskatchewan River (en) Whitefish River (en)
Arroaren azalera	335.900 km²
Arro hidrografikoa	Lake Winnipeg basin (en)
Ur-emaria	700 m³/s
Lakuak	Cedar Lake (en)
Bokalea ()	Winnipeg

Ibaiaren iturria Saskatchewan estatuaren erdian dago, Ipar Saskatchewan eta Hego Saskatchewan ibaien bilgunean. Ibai biak Albertako Mendi Harritsuetako glaziareetan sortuak dira.

Ibai eta izen bereko probintziaren izena (Saskatchewan) creezko kisiskāciwani-sīpiy hitzetik dator, euskaraz "ibaibide azkarreko ibai" esan nahi duena[1].

Ipar Saskatchewan ibaia 1.287 km luze da, eta Hego Saskatchewan 1.392 km luze. Izen bereko probintziaren erdialdean biltzen dira bi ibaiok, Prince Albert hiriaren ekialdean.