Sarah Caldwell

Sarah Caldwell
Bizitza
Jaiotza	Maryville (Missouri), 1924ko martxoaren 6a
Herrialdea	Ameriketako Estatu Batuak
Heriotza	Portland, 2006ko martxoaren 23a (82 urte)
Familia
Aita	Edwin F. Caldwell
Hezkuntza
Heziketa	Hendrix College (en) ; Bates College (en) ; New England Conservatory (en) ; University of Arkansas (en) ; Fayetteville High School (en)
Hizkuntzak	ingelesa
Jarduerak
Jarduerak	antzerki enpresaburua, orkestra zuzendaria eta musikaria
Jasotako sariak	ikusi National Medal of Arts ; honorary doctor of the University of Miami (1997ko maiatzaren 9a) ;
Kidetza	Arteen eta Zientzien Ameriketako Estatu Batuetako Akademia

Sarah Caldwell (Maryville, Ameriketako Estatu Batuak, 1924 – Portland, Ameriketako Estatu Batuak, 2006).

Bizitza

Ingalaterra Berriko Musika Kontserbatorioan egin zituen ikasketak, opera produkziokoak, eszenografiakoak eta musika zuzendaritzakoak, bai eta biolin eta biolakoak ere. Eskolak eman zituen Berkshireko Musikako Zentroan, 1948 eta 1952 urteen bitartean. Bostongo Unibertsitateko Opera Lantegiaren buru izan zen 1952-1960 urteetan.

Bostongo Opera Konpainiaren sortzailea izan zen (1957), eta sarritan jardun zuen haren zuzendari artistiko eta musika zuzendari gisa. New Yorkeko Metropolitan aretoan zuzendari jardun zuen lehenengo emakumea izan zen (1976). 1983an Israelgo Opera Konpainia Berriko zuzendari artistiko izendatu zuten. Bere ekarpen nagusia opera produkzioetan elementu dramatikoen nagusitasuna nabarmentzea izan zen, eta orobat efektu ikusgarriekiko eszenografiak osatzea. Era berean, ezaguna da gutxitan antzezturiko zenbait operaren bertsio osoak produzitu zituelako, adibidez, Arnold Schoenbergen Moises eta Aaron, Sergei Prokofieven Gerra eta bakea, Hector Berliozen Troiarrak, Alban Bergen Lulu, edo Roger Sessionsen Moktezuma.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q457661

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.