Saoi O'Connor

O'Connorrek dio 3 urterekin hasi zela aktibismoan, San Patrizio egunean, bidezko merkataritzaren kanpaina baten baitan[2].

2019ko urtarrilaren 11n, Fridays for Future greba hasi zuen Corkeko udaletxearen kanpoaldean[3][4], The Emperor Has No Clothes (euskaraz: «Enperadoreak ez du arroparik») zioen kartela eskuan zuela[5]. Ikasketak etxean jarraitu zituen[5] klima-justiziako aktibismoan lanaldi osoz aritzeko[6].

2019ko otsailean, Europako Parlamentura joan zen beste klima-ekintzaile batzuekin bat egiteko[2]. Urte berean, RTÉ Klimari buruzko Gazte Asanbladako 157 ordezkarietako bat izan zen[7]. 2021ean COP aurreko Milango gazteen konferentzian bi irlandar ordezkarietako bat izan zen[8].

2019 eta 2020 artean Growing Up At The End of The World dokumentalean parte hartu zuen[9].

2021eko azaroan Irlandako Gurutze Gorriaren Urteko Gazte Humanitarioaren saria jaso zuen[10].

2020ko abenduan O'Connor mundu mailako liderrei zuzendutako As the Paris Agreement on Climate Change marks five years, urgent action on climate threats is needed now gutuna argitaratu zuen talde global baten parte zen[11].

17 urte zituela, COP25 konferentzian parte hartu zuen lehen aldiz[12]. 2021ean Glasgowko COP26-n herriko aktibismoan aritu zen[13]. COP27[14], SB58[15] eta COP28-n ere parte hartu zuen[16].

2021eko Lurraren Egunean, Fridays For Future Irelanden ekitaldi birtualaren antolatzaileetako bat izan zen[17].

Haurrentzako hainbat liburutan agertu da, besteak beste, Be Inspired, Irish Young People Changing the World[18] eta Girl Warriors[19], nahiz eta ez den neska gisa identifikatzen[20].

Skibbereenen jaio zen, baina gaur egun Glasgown bizi da[21]. Pertsona autista eta ez-bitarra da[22].