Santiago Abascal Conde

Santiago Abascal Conde
	; (2023) Irudi gehiago
; Espainiako Diputatuen Kongresuko diputatua
; Espainiako Diputatuen Kongresuko diputatua
; Q87349529
; Eusko Legebiltzarkidea
; Eusko Legebiltzarkidea
Bizitza
Jaiotza	Bilbo, 1976ko apirilaren 14a (47 urte)
Herrialdea	Bizkaia, Euskal Herria
Lehen hizkuntza	gaztelania
Familia
Aita	Santiago Abascal Escuza
Ama	María Isabel Conde Álvarez
Ezkontidea(k)	Ana Belén Sánchez Cenador (2002 - 2010); Lidia Bedman Lapeña (en) (2018 -
Anai-arrebak	ikusi Stela Abascal Conde (en) ; Iria Abascal Conde (en) ;
Familia	ikusi Begoña Conde Álvarez (en) (amaldeko izeba); Manuel Abascal Pardo (en) (aitaldeko aitona);
Hezkuntza
Heziketa	Deustuko Unibertsitatea 2003) lizentzia : soziologia
Hizkuntzak	gaztelania
Jarduerak
Jarduerak	politikaria, soziologoa eta saiakeragilea
	Parte-hartzailea Q64692406 ;
Lantokia(k)	Las Ventas eta Madril
Kidetza	HazteOir.org (en) ; Espainiako Ornitologia Elkartea; Disenso Foundation (en) ; Foundation for the Defense of the Spanish Nation (en)
Mugimendua	Espainiar nazionalismoa
Sinesmenak eta ideologia
Erlijioa	katolizismoa
Alderdi politikoa	Alderdi Popularra; Vox
	santiagoabascal.es

Santiago Abascal Conde (Bilbo, Bizkaia, 1976ko apirilaren 14a) euskal herritar politikari bat da, eskuin muturrekoa, Espainiako Vox alderdiko lehendakaria. Lehenago, Alderdi Popularreko (PP) kide zela, Eusko Legebiltzarreko kide izan zen (2004 eta 2009). DENAES (Espainiar Nazioaren Defentsarako Fundazioa) sortu zutenetako bat izan zen, eta hedabideetan presentzia nabaria du.

Santiago Abascal Eskuza eskuin muturreko euskal herritarraren semea da.

Bizitza

Bilbon jaio zen, Amurriokoa den familia batean. Familiak jantzi dendak ditu Aiaraldean.

Ideologiaren aldetik, eskuin muturreko espainiar nazionalismokoa da, familiaren ildoari jarraituz: Santiagoren aitona Manuel Abascal Pardo Amurrioko alkatea izan zen frankismoan. Aita Santiago Abascal Eskuza ere herri bereko zinegotzi izan zen, Alianza Popular eta Euskadiko PP alderdiekin. Abascaldarrak joera politiko honek Aiaraldean duen erreferentzia nagusiak dira, Laudioko Urkijotarrekin batera.[1] Oro har oso oldarkorrak izan dira eusko abertzaletasunarekin zerikusia duen guztiarekin, betiere espainiar nazionalismoaren alde.[2] Eraso eta mehatxu ugariren jomuga izan dira.[3]

Soziologian lizentziatu zen Deustuko Unibertsitatetik 2003an, 27 urterekin.

Ardura politikoak

PP alderdiaren barruan

1994an 18 urterekin PPn afiliatu zen.
1996an Arabako Herrialdeko Batzordean[4] sartu zen; eta 1999an, Arabako Batzorde Exekutiboan. María San Gilen ildokoa izanik, 2009ko azaroan egitura horretatik kanpo geratu zen, eta horretaz kexu zen.[5]
2000ko azarotik 2005 arte, PPko Nuevas Generaciones gazte saileko Euskal Autonomia Erkidegoko presidentea izan zen.
2000tik 2005era, PPko Espainiako Zuzendaritza Batzorde Nazionaleko kidea izan zen.
2000tik, Euskal Autonomia Erkidegoko PPko Zuzendaritza Batzordeko kidea izan zen.
2005etik, eremu berean alderdiaren Hezkuntzarako idazkaria izan zen.
Aholkulari izan zen PP alderdiarentzat Arabako Batzar Nagusietan (2003-2004) eta Gasteizko Udalean (2005), bai eta estatuko gobernuaren ordezkariordetzan ere (1999-2003).

Kargu publikoak

1997an hartu zuen lehen kargua, Laudioko udaleko zinegotziarena.
2003tik 2004ra Biltzar Nagusietako kidea izan zen Aiarako kuadrillatik. Orduan, Eusko Legebiltzarrean sartu zen Carlos de Urquijoren ordez.[6] 2010ean Arabako biltzarkidea da ostera ere.
Eusko legebiltzarkidea izan da VII. eta VIII. legegintzaldietan. 2005ean ez zen aukeratua izan baina Encina Regaladoren ordez aulkia okupatu zuen urte horretako irailetik. 2009 arte Legebiltzarkidea izan da; urte horretan zazpigarren joan zen alderdiko Arabako zerrendan baina sei diputatu atera zituen.
2010eko otsailean Esperanza Aguirrek Madrilgo Erkidegoko Datuak Babesteko Agentziaren Zuzendari izendatu zuen; izendapenak polemika handia sortu zuen[7].

Muturreko nazionalismoan

Sarritan hedabideetan agertzen da, gehienak eremu ideologiko berekoak: COPE, Intereconomía, esRadio, El Semanal Digital edota Libertad Digital hedabideetan, besteak beste.

2006tik, muturreko espainiar nazionalismoan kokatutako DENAES (Espainiar Nazioaren Defentsarako Fundazioa) elkartearen presidentea da.

Euskal Herriarekiko jarrera

Abascalek ez du Euskal Herriaren mugaz gaindiko nortasunik ikusten. Alta, euskal izaera Araba, Gipuzkoa eta Bizkaira mugatzen du, betiere hirurak elkartu gabe, izan ere, berak sortutako Vox alderdiak Eusko Jaurlaritza eta Legebiltzarra deuseztatzea proposatzen du, bai eta hiru probintzietako Batzar Nagusiak eta Nafarroako Parlamentua ere.[8] Ekonomia itunak ezereztea ere defendatzen du, gainerako espainolekiko «pribilegiozko» egoera sustatzen duela argudiatuta, bai eta Euskal Autonomia Erkidegoko probintzien artekoa ere, ezen uste baitu hirurek «dena» Jaurlaritzari entregatu behar diotela.[8]

Segurtasun alorrean ere Ertzaintzaren eta Foruzaingoaren aurka agertzen da. EITB ere kendu dadila eskatzen du.[9]

Euskarari dagokionez, ez da haren ofizialtasunaren aurka espresuki agertzen, bai ordea Administrazio publikoan lan egiteko kontuan hartzearen aurka. Begi onez dakusa hezkuntzan euskara erabiltzea, baldin eta Hego Euskal Herrian dena gaztelaniaz ikasteko aukera ere badago. Espainiako Erresumaren eremu osoan hezkuntzaren konpetentzia estatuarena izan dadila eskatzen du, Frantzian den bezala.[8]

Argitalpenak

¿Derecho de autodeterminación? Sobre el pretendido derecho de secesión del Pueblo Vasco, Centro de Estudios Políticos y Constitucionales, Madril, 2004.
La farsa de la autodeterminación. El Plan Ibarretxe: al asalto del País Vasco y de España, Altera, Bartzelona, 2004. José María Aznarren hitzaurrea.
Secesión y exclusión en el País Vasco, Ikusager, Gasteiz, 2004.
En defensa de España. Razones para el patriotismo español, Ediciones Encuentro, Madril, 2008. Gustavo Bueno Sanchezekin.

Erreferentziak

Carlos Urkijoren aitona ere Frankismo garaiko alkatea izan zen, Laudion.
Ibarretxe Planaz edo presoez berbetan.
Hiru belaunaldien ibilbidea El Mundok kontatua.
(Gaztelaniaz) «Fallece Santiago Abascal Escuza, el político alavés al que ETA y la izquierda abertzale no consiguieron callar» ELMUNDO 2017-07-23 (Noiz kontsultatua: 2021-05-03).
Berria COPEk kontatua.
Carlos Urquijo estatuko gobernuko ordezkaria bihurtu baitzen.
(Gaztelaniaz) Sindikatuen inpugnazioa, El Plural.
(Gaztelaniaz) «Propuestas para Vizcaya» VOX Vizcaya (Noiz kontsultatua: 2018/12/23).
(Gaztelaniaz) Lorente, Adolfo. (2018/12/04). «El programa de Vox pide acabar con el Cupo y la Ertzaintza» El Correo (Noiz kontsultatua: 2018/12/23).

Kanpo estekak

(Gaztelaniaz) Biografia Abascal burua den fundazioko webgunean.
(Gaztelaniaz) Abascal Los genoveses, SA blogean.

Datuak: Q11703587
Multimedia: Santiago Abascal Conde / Q11703587

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Carlos Urkijoren aitona ere Frankismo garaiko alkatea izan zen, Laudion.

[2] Ibarretxe Planaz edo presoez berbetan.

[3] Hiru belaunaldien ibilbidea El Mundok kontatua.

[4] (Gaztelaniaz) «Fallece Santiago Abascal Escuza, el político alavés al que ETA y la izquierda abertzale no consiguieron callar» ELMUNDO 2017-07-23 (Noiz kontsultatua: 2021-05-03).

[5] Berria COPEk kontatua.

[6] Carlos Urquijo estatuko gobernuko ordezkaria bihurtu baitzen.

[7] (Gaztelaniaz) Sindikatuen inpugnazioa, El Plural.

[:0-8] (Gaztelaniaz) «Propuestas para Vizcaya» VOX Vizcaya (Noiz kontsultatua: 2018/12/23).

[9] (Gaztelaniaz) Lorente, Adolfo. (2018/12/04). «El programa de Vox pide acabar con el Cupo y la Ertzaintza» El Correo (Noiz kontsultatua: 2018/12/23).