Santi Mami baseliza (Erandio)

Santi Mami baseliza Bizkaiko Erandio eta Leioa udalerrien arteko mugan dagoen baseliza katoliko bat da. Izen berdineko Santi Mami auzoan dago, Leioa-Erandioko campusera doan errepidearen alboan, Manzine eta Pepene (Leioa) eta Martxikone (Erandio) baserrietatik hurbil. XVII. mendean eraikitako baseliza barrokoa da[1]. Santi Mami Kapadoziakoari sagaratua dago.

Santi Mami baseliza
Hegoaldeko ikuspegia.
Irudi gehiago
Kokapena
Herrialdea Euskal Herria
Probintzia Bizkaia
HerriaErandio
Koordenatuak43°19′28″N 2°58′19″W
Map
Historia eta erabilera
Eraikuntza XVII. mendea
ElizbarrutiaBilboko elizbarrutia
Arkitektura

    Eraikina

    12,50 x 7,35 metroko oinplano laukizuzena du. Hormak harlanduzkoak eta izkinarriak harginlanezkoak ditu. 1980ko hamarkadan harginlanez eginiriko kanpai-hormako aldea ez beste horma guztiak kareztatuak zeuzkan, kanpai-horma honek kanpai bakar batentzako baoa du, gainaldean harrizko gurutze txiki bat zuelarik. Gaur egun bistako adreiluzko kanpai-horma du. Estalpea bi uretakoa da, mendebaldeko dinteldun atea duen atarian egurrezko lau zutabeetan exekitzen den teilatu elkartzut batekin. Gainera, iparralde eta hegoaldean bao txikiak ere baditu. Lurzorua harlauzez gina dago.

    Barnean Santi Mamiren irudi bat gordetzen da.

    Jaieguna

    Urtero, abuztuaren 17an, Santi Mami Egunez, meza eta erromeria ospatu ohi dira.

    Bibliografia
    1. Erandioko Santi Mami baseliza (Bizkaia) 3digitala

    Bibliografia
    • Gurutzi Arregi Azpeitia (1987), Ermitas de Bizkaia, II. bilduma, ISBN 84-398-9631-X, 116. orr., Bizkaiko Foru Aldundia eta Labayru Institutua. Bilbo.

    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.