Santa Klara komentua (Zarautz)

Santa Klara komentua Zarauzko eraikin nabarmenenetakoa da, Azken Portu auzoan kokatua dago. 1610ean sortu zuten eta gaur egun hutsik dago. 2021tik Udalak du jabetza[1].

Santa Klara komentua (Zarautz)
Kultura ondasuna
Kokapena
Herrialdea Euskal Herria
Probintzia Gipuzkoa
UdalerriaZarautz
Koordenatuak43°17′02″N 2°10′22″W
Map
Historia eta erabilera
Eraikuntza XVII. mendea
IzenaKlara Asiskoa
Arkitektura
EstiloaArkitektura barrokoa
Ondarea
BICRI-51-0001600
4

    Zarauzko eraikin zaharrenetakoa da Santa Klara komentua. 1610ean sortu zuten, eta ordudanik bertan bizi diren klaratarrek hamaika otoitz egin dute. Martxoaren 23an Santa Klara eguna ospatzen dute. 2006an hamabi moja bizi ziren Santa Klara komentuan. Gazteena abadesa bera zen, eta 72 urte zituen.

    Komentuaren historia

    Klaratarren komentua Narros jauregian bizi zen alargun aberats batek sortu zuen, alabekin batera, XVII. mendean

    Narros jauregian bizi zen Doña Maria Ana de Zarauz, aberatsa, zumaiar baten alarguna. Alaba zaharrena Iraetako gizon batekin ezkondu zitzaion, baina alaba horren senarra ere hil egin zen. Ama, orduan, alaba alargunarekin eta beste bi alabekin geratu zen, eta mojak izatea erabaki zuten. Baina ez zekiten zein ordena aukeratu, eta txotx egin zuten. Santa Klara atera zitzaien, eta moja klaratarrak izatea erabaki zuten. Zer egin behar zuten ez zekitenez, Burgosko Lerma komentuan laguntza eskatu zuten, handik mojak etor zitezen, beraiei bizitza berria erakustera. Oso aberatsak ziren, eta zituzten baserri, lur eta gainerakoak eman egin zituzten, eta komentu hau eraikitzea erabaki zuten. Komentu hau eraiki bitartean, hogei bat urtez, Narros jauregian egon ziren bizitzen moja klaratarrak.

    Filipe III.ak eman zien lizentzia, Madrilen, 1610eko urtarrilaren 4an. 1611n hasi ziren eraikuntza lanetan, eta 1625ean amaitu zuten. Eliza, berriz, geroago eraiki zuten, 1656an, gurutze itxurako egiturarekin. Agiri zaharretan irakur daitekeenez, «sortzaileek komentuari 14.000 dukat eman zizkioten, eta urtero 700 errealeko errenta ordaintzen zuten».

    Espainiako Gerra Zibilaren garaian, esaterako, komentuan bertan emakumeak preso egon ziren. Aurreko gerran, karlistaldian, larri ibili ziren mojak, eta komentutik atera eta Bilbora joan behar izan zuten.

    Euskarazko Wikipedian bada atari bat, gai hau duena:
    Euskal Wikiatlasa

    Erreferentziak
    1. (Gaztelaniaz) Santa Klara: el antiguo convento de Zarautz estrena su faceta pública con el primer concierto del Ciclo Musical de Verano. Noticias de Gipuzkoa.

    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.