San Servando gaztelua

Kokapen estrategikoagatik, kokaleku hori laster gotortu behar izan zen, zubi-buru gisa edo galtzada eta ubide erromatarra kontrolatzeko. Geroago monasterio bisigodoa eta gotorleku arabiarra egon behar ziren. 1024an, Alfontso VI.aren garaian, hasi ziren Servandori eta Germano santuei eskainitako monasterio gisa eraikitzen. Monasterioak urte oparoak bizi izan zituen erregeek ematen zizkioten jabetza etengabeekin, 1099an almorabideen lehen erasoa jasan zuen arte.

Eraso berriek monasterio izateari utzi zion. Navas de Tolosako batailaren (1212) ondoren, bestetik, garrantzi estrategikoa galdu zuen. Petri I.a Gaztelakoa eta Henrike II.a Gaztelakoaren arteko borrokekin (XIV. mendea), berriz ere garrantzi militarra hartu zuen eta Tenorioko Artzapezpikuak berreraikitzea agindu zuen. Lanak 1386an amaitu ziren, eta garai horretakoak dira iritsi zaigun eraikina. 1857an bolborategi bihurtu zen. 1873an enkantean jarri zen eta, eraisteko arriskua zegoenez, 1874an Monumentu Historiko Artistiko Nazional izendatu zuten, izendapen hori izan zuen lehen gaztelua izan zelarik. XXI. mendean, gaztelua erabat zaharberrituta dago, eta, hurrenez hurren, Gaztela-Mantxako Gorteen egoitza eta unibertsitate-egoitza izan ondoren, orain aterpetxe eta ikastaroak eta hitzaldiak egiteko leku gisa erabiltzen da.[1]

Gaztelutik, Toledo hiriaren eta Tajo ibaiaren ikuspegi panoramikoa ikus daiteke.

• (Gaztelaniaz):Gazteluaren inguruko hamar bitxikeri.
• (Gaztelaniaz):Gazteluaren ezaugarriak.