San Nikolas atea (Hondarribia)
San Nikolas atea Hondarribiko harresien bi sarreretako bat da, ipar-mendebaldekoa hain zuzen ere. Hiriko sarbiderik zaharrenetakoa da. San Nikolas kalearen mutur batean dago, eta kaleari jarraituz, beste muturrean, Arma Plaza dago. Harlanduz egina dago (egun, oso hondatua dago), eta egitura oso sinplea du. Kanpo aldetik, arku beheratu du ateak. Barruko aldean, berriz, dintela du, bi pilastraren gainean jarria eta kuxinduraz apaindua.
| San Nikolas atea | |
|---|---|
 Eraikitako euskal ondasun nabarmena | |
| Hondarribiko hiri historikoa | |
 San Nikolas atea eta zubi edo oinezkontzako pasabidearen irudia. | |
| Kokapena | |
| Herrialdea |  Euskal Herria |
| Probintzia |  Gipuzkoa |
| Udalerria | Hondarribia |
| Koordenatuak | 43°21′49″N 1°47′36″W |
 | |
| Historia eta erabilera | |
| Eraikuntza | XVI. mendea |
| Arkitektura | |
| Estiloa | pizkundetar arkitektura |
| Ondarea | |
| EJren ondarea | 21 |
Hiribildua sortu zutenean, Erdi Aroan, Hondarribiak ez zuen San Nikolas kalerik, garai bateko harresiak huraxe zuen iparraldeko muga. Kalea eraiki eta XVI. mendea arte, kalea eta San Nikolas atea izan ziren hiribilduko garrantzitsuenak, harik eta hegoaldeko Santa Maria atea ireki zuten arte. Ordutik aurrera, Kale Nagusiak hartu zuen garrantzi gehien.
Kanpoaldetik (zaharberritze aurretik).
Barnealdetik (zaharberritze aurretik).
