San Joseren etxea

Oin irregularrekoa eta estalki laukoa, terraza itxurako teilatua baitu ukondoz osaturiko erlaitz zabal baten gainean. Fatxada nagusiak oso perfil mugitua aurkezten du, izan ere, hiru gorputzen planoak harmailen gisara egokitzen dira, horietan aurreratuena eskuin albokoa izanik, forma poligonala duena, hain zuzen ere. Altxaeran sotoa, behe-oina, beste oin bat eta ganbara ditu. Altuera horien artean inposta-lerro bi luzatzen dira eta baoen sei ardatz nagusi antolatzen dira. Behe-oinean erdi-puntukoak dira baoak, eta horien artean aipagarria da sarrerako karrerapea, koloma bikoitzetan bermaturiko arkuek eratua. Lehenengo solairuko baoak, barlasaiekin, dinteldunak dira, eta ukondoen gainean bermatzen dira. Ezker alboan burdinsarea du terraza kareldunak. Ganbaran bao etzan txiki batzuk irekitzen dira. Fatxadan Urquijo Oriol Urigüen eta Gordo-Sáezen armarriak aurkezten dira. Terraza itxurako estalkiaren barruan gorputz txiki bat azaltzen da eta gainean pinakuluak dauzka. Kalitate oneko silarriz egina da eraikina. Jatorrian ere zabala zen lorategi batek inguratzen du, eta azken hau, aldi berean, horma batez inguratuta dago. Sarrerako atea ederra da. Sarreraren ondoan eraikin lagungarri bat altxatzen da..