San Blas jaia

San Blas jaia otsailaren 3an ospatzen den jai tradizional eta erlijiosoa da, Euskal Herrian, Espainian eta Hego Amerikako zenbait herrialdetan zabaldurik dagoena.

San Blas jaian bedeinkatutako kordoiak.

Eztarrien zaindari

San Blas III. mendeko kristau martiri bat izan zen, gotzai eta medikua. Haur baten eztarriko gaitza mirariz sendatu omen zuela eta, eztarrien zaindaritzat hartzen da kristau tradizioan.

Kordoiak

Horrela, ohikoak dira San Blaseko kordoiak, santuaren irudiaren aurrean bedeinkatu eta lepoan 9 egunez janzten direnak (otsailaren 3a barne), eta gero kendu eta erre egiten direnak, urte osoa eztarriko gaitzak, eztulak, katarroak eta eztarriko edozein infekzio prebenitu egiten dituztelakoan.

Erroskila eta opilak

Anisezko erroskilak ere San Blas egunez bedeinkatzen dira, eztarriko minaren kontrakoak diren sienesmenarekin.

Eibar, Elgoibar, Soraluze, Tolosan eta Euskal Herriko beste hainbat txokotan San Blas opilak egiteko tradizio handia dago.

Jaiak eta azokak
San Blas erroskilak Idiazabalen.

Egun honetan santuaren omenez, hainbat herritan jaiak eta nekazal azokak antolatzen dira. Ganaduarentzako elikagaiak ere bedeinkatzen dira San Blas egunean.

Azokak

Abadiñokoa azokarik garrantzitsuenetarikoa da eta urtero milaka pertsona biltzen ditu. Laudiok ere hainbat ekintzaz beteriko azoka antolatzen du.

Jaiak

Idiazabalen eta Azkoienen herriko festak ospatzen dira.

Milagron, sua egiten da egun honetan, eta herrikoek suaren ondoan ardoa edan, eta intxaur, piku eta opilak jaten dituzte. Los Arcosen erromeria. egiten da.

San Blas opila
Sakontzeko, irakurri: «Sanblasopil»
San Blasak nola egin, Arrate Kultur Elkarteko Leire Aranzabalegik azaldua

Ikus, gainera

Kanpo estekak
Zirriborro Artikulu hau zirriborroa da. Wikipedia lagun dezakezu edukia osatuz.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.