Sammy Reshevsky

Sammy Reshevsky
	; Irudi gehiago
Bizitza
Jaiotza	Ozorków, 1911ko azaroaren 26a
Herrialdea	Polonia ; Ameriketako Estatu Batuak
Heriotza	New York, 1992ko apirilaren 4a (80 urte)
Hezkuntza
Heziketa	Chicagoko Unibertsitatea
Hizkuntzak	poloniera; ingelesa
Jarduerak
Jarduerak	xakelaria, kazetaria eta bookkeeper (en)
	Parte-hartzailea 7th Chess Olympiad (en) ; 9th Chess Olympiad (en) ; 10th Chess Olympiad (en) ; 13th Chess Olympiad (en) ; 16th Chess Olympiad (en) ; 18th Chess Olympiad (en) ; 19th Chess Olympiad (en) ; 21st Chess Olympiad (en) ;

Samuel Herman "Sammy" Reshevsky (Ozorkow, Polonia, 1911ko azaroaren 26a - Syffern, New York, AEB, 1992ko apirilaren 4a) estatubatuar xake-jokalaria izan zen, jatorriz poloniarra. Jokalari nekaezina eta estratega bikaina; Estatu Batuetako txapelduna askotan (1936, 1938, 1940, 1942, 1946, 1969, 1971); aurkari gogorrenak menderatu zituen, are munduko txapeldunak ere, baina ez zuen inoiz lortu munduko txapeldun izatea.

Biografia

Sei urte besterik ez zituela, Europa osoan barrena ibili zen bere dohainak erakusten, eta 9 urterekin master-maila lortu zuen. Harrigarrizko partidak egin zituen, 75 aurkariren kontra aldi berean jokatu eta irabaziz. 1920an Estatu Batuetara emigratu zuen gurasoekin. Estatu Batuetako jokalari onenekin lehiatu zen, eta xake-arazo konplexuei soluzioa aurkitu zien, baina, halako batean, haurren ongizaterako begiraleek profesional gisa jokatzea debekatu zioten. Aurrerago, kontularitzako ikasketak egin ondoren, xakean jokatzen hasi zen berriro.

Nahiz eta munduko jokalari onenak ere mendean hartu zituen -José Raúl Capablanca (1935ean), Mikhail Botvinnik (1955ean), Bobby Fischer (1961)-, ez zuen sekula lortu munduko txapeldun izatea; aditu batzuen arabera, bere karrera eten izanagatik, jokoan beti berdin hasteagatik eta presaz jokatzeko atxikimenduagatik. 1984an, 72 urte zituela, Reykjavikeko Nazioarteko Txapelketa irabazi zuen. Xake-jokoari buruzko bi liburu idatzi zituen: Reshevsky on Chess (1948, "Reshevsky xakean") eta How Chess Games Are Won (1962, "Nola irabazten diren xake-jokoak").

Erreferentziak

Wikimedia Commonsen badira fitxategi gehiago, gai hau dutenak: Sammy Reshevsky

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

(Ingelesez) Chessgames

Datuak: Q311737
Multimedia: Samuel Reshevsky / Q311737

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.