SL Benfica

Taldea 1904 urtean sortu zen Lisboako hegomendebaldeko Belem auzoan Sport Lisboa izenarekin. 1907an jokalari batzuk nahiago izan zuten talde hobea zen Sporting Clubera joatea eta ondorioz taldeak Benfica auzoko Grupo Sport Benfica-rekin bat egitea erabaki zuen 1908an.

Urrezko garaia 60. hamarkadan izan zuen Europako Kopako bost final jokatu baitzituen, hauetatik lehenengo biak irabaziz. 1961ean FC Barcelona 3-2ko emaitzaz gainditu zuen eta hurrengo urtean Real Madrili 5-3 irabazi zion, galdutakoak AC Milan, Inter Milan eta Manchester Uniteden aurkakoak izan ziren. Eusébio futbolaria izan zen garai hartako ikur nagusia.

70. eta 80. hamarkadak zilarrezko aroa izenaz ezagutzen da, Portugaleko txapelketatan nagusi izan arren Europako talde handia izateari utzi baitzion.

Diru arazoak zirela eta, 1994 eta 2003 artean krisialdia izan zuen. 2004an ordea Luís Filipe Vieira presidentea hautatu eta buelta eman zion egoerari. Berehala iritsi ziren titulu berriak Portugalen. Gaur egun herrialdeko talde nagusietako bat izaten jarraitzen du eta azkenengo zazpi ligatatik lau irabazi ditu eta beste hirutan bigarrena izan da.

Europako txapelketatan ere goraldia izan du eta 2013 eta 2014 urteko UEFA Europa Leagueko finalak jokatu ditu, baina bietan galtzaile atera da, 2013an Chelseak azken minutuan gainditu zuen (2-1) eta 2014an Sevilla FC-k 0-0 berdindu ondoren penaltietan.

Hurrengo denboraldietan Portugalen nagusi izan da eta txapelketa gehienak eskuratu ditu.

• Portugalgo futbol liga (38): 1935–36, 1936–37, 1937–38, 1941–42, 1942–43, 1944–45, 1949–50, 1954–55, 1956–57, 1959–60, 1960–61, 1962–63, 1963–64, 1964–65, 1966–67, 1967–68, 1968–69, 1970–71, 1971–72, 1972–73, 1974–75, 1975–76, 1976–77, 1980–81, 1982–83, 1983–84, 1986–87, 1988–89, 1990–91, 1993–94, 2004–05, 2009–10, 2013–14, 2014-15, 2015-16, 2016-17, 2018-19, 2022-23.
• Portugalgo futbol kopa (26): 1940, 1943, 1944, 1949, 1951, 1952, 1953, 1955, 1957, 1959, 1962, 1964, 1969, 1970, 1972, 1980, 1981, 1983, 1985, 1986, 1987, 1993, 1996, 2004, 2014, 2017.
• Portugalgo Txapelketa (Kopa, 1922-1938) (3): 1930, 1931, 1935.
• Portugalgo Ligako Kopa (7): 2008–09, 2009–10, 2010–11, 2011–12, 2013–14, 2014-15, 2015-16.
• Portugalgo Superkopa (8): 1980, 1985, 1989, 2005, 2015, 2016, 2017, 2019.

• Lisboako futbol txapelketa (10): 1909–10, 1911–12, 1912–13, 1913–14, 1915–16, 1916–17, 1917–18, 1919–20, 1932–33, 1939–40.
• Lisboako futbol kopa (18): 1919–20, 1921–22, 1962–63, 1964–65, 1966–67, 1967–68, 1968–69, 1971–72, 1972–73, 1973–74, 1974–75, 1977–78, 1978–79, 1979–80, 1981–82, 1983–84, 1985–86, 1987–88.

• Kontinente arteko Futbol Kopa:
  • Txapelduna (0)
  • Finalista (2): 1961, 1962.
• Europako Kopa:
  • Txapelduna (2): 1961, 1962.
  • Finalista (5): 1963, 1965, 1968, 1988, 1990.
• UEFA Europa League:
  • Txapelduna (0)
  • Finalista (3): 1983, 2013, 2014.
• Iberiar Kopa
  • Txapelduna (1): 1983.
  • Finalista (1): 1991.
• Latindar Kopa:
  • Txapelduna (1): 1950.
  • Finalista (1): 1957.
• Kluben arteko Munduko Kopa txikia:
  • Txapelduna (1): 1965