Rubizhneko gudua

Martxoaren 15ean, Haidaik adierazi zuen lau zibil hil zirela Errusiako Indarrek ospitale baten, ikusmen-urritasuna duten haurrentzako arreta-zentro baten eta Rubizhneko hiru eskolen aurkako eraso batetan.[16]

Martxoaren 17an, Errusiaren-aldeko LHEko Indarrek aurrera egin[17] eta Rubizhne hiriaren mendebaldeko eta ipar-mendebaldeko aldiriak hartu zituzten eta, ondoren, eguerdi aldera, herriaren hegoaldea erasotzen hasi ziren ere, hiri-administraziorako eraikin bat bereganatzen zuten bitartean.[18] Hurrengo egunerako, LHEk Rubizhneren hainbat zati kontrolatzen zituen, herriaren hegoaldean borrokak jarraitzen zuten bitartean [19] Martxoaren 19–20 artean, Errusiar eta LHEko indarrek Varvarivka herria bereganatu zuten, Rubizhneren iparraldean kokaturikoa.[20]

Martxoaren 22an, Leonid Pasetxnik-ek, LHEko buruak, Luhansk eskualdeko "ia %80a" hartu zutela esan zuen, gaineratuz "Popasna, Lysytxansk, Rubizhne, Sievierodonetsk eta Kreminna hiriak ez [zituztela] askatu". Adierazi zuenez, gudu-zelaietako egoera "tentsio egonkorrekoa" zen, bai eta LHEko Herri Miliziaren unitateak Popasna eta Rubizhne hirian LHEren kontrolpean hartzeko ahaleginak egiten ari zirela.[21] Bi egun geroago, errusiar indarrek aurrerapenak egin zituzten Rubizhenen.[22]

Apirilaren 6rako, errusiar indarrek Rubizhne hiriaren %60a bereganaturik omen zuten,[23] obusak eta misilak hiriaren aurka jotzen ari zirela "tarte erregular eta iraunkorretan".[24] Biharamunean, Ukrainaren Mendi Erasoko 128. Brigadako indarrek kontraerasoaldi bat egin zuten oblast-zonalde hartan, errusiar indarrak Rubizhnetik ipar-mendebaldean dagoen Kreminna herritik 6–10 kilometrora eramanez.[4]

Apirilaren 9an, Errusiaren Guardiako 4. Tankeen Dibisioko elementuak eskualde horretan kontzentraturik zeuden;[3] hala ere, apirilaren 11–12 bitartean, Errusiaren eraso jarraituek ez ziren lurralde-bereganatzean itzuli.[25][26] Hala ere, apirilaren 16rako, Ukrainak Sievierodonetsk hiriaren %70a errusiar bonbadaketen ondorioz suntsiturik zegoela adierazi zuen.[27]

Apirilaren 18an, Errusiak erasoaldia berritu zuen Ukraina ekialdean, Sievierodonetsken aire-erasoak hasiz.[28][29] Goiz hartan, Errusiako tropak Kreminnan sartu ziren ere,[30] zeinaren kontrola galdu zuten Ukrainako Indarrek borroka gogorren artean.[31] Haidaik baieztatu zuenez, borrokan 200 zibil baino gehiago hil ziren, bai eta beste lau zibil borroketatik ihes egiten saiatzean.[32][33] Borroketan, LHEren batailoietako bateko komandante bat hil zen, bera eta bere borrokalariak Kreminnatik gertu zeuden ukrainar indarrek inguratu eta "azkenera arte" borrokatu zutenean, LHEren arabera. Liskarretan hildako eta zauritu kopuru ezezaguna utzi zuten,[34] eta, hurrengo egunean, Errusiako Indarrek Kreminnaren kontrol osoa lortu zuten.[35][36]

Apirilaren 20an, errusiar eta LHEko indarrek Rubizhne hiriaren barruan aurrera egin zuten,[37] hiri-erdialdea bereganatuz.[38] Apirilaren 26tik aurrera, Errusiako Armadak poliki-poliki hiriaren mendebaldean eta hegoaldean aurrera egin zuen, Ukrainako Indarrak inguratu nahian.[39]

Ukrainak maiatzaren 3an jakinarazi zuen Errusiaren hegazkinek ale-igogailu bat bonbardatu zutela, Rubizhnen, guztiz suntsitu zena.[40] Era berean, egun hartan, Rubizhne ondoan dagoen Mykhailivka herria bonbardatu zuten ere, San Elias Monasterio barbaroa eta Mykhailivkako Txernihiveko San Teodosio elizako erretorea zen, Parthenio hieromonjea hilez.[41] Maiatzaren 4an, Ukrainako Indarrek esan zuten errusiar indarrek Rubizhneren kontrol osoa lortzen saiatu zirela, arrakastarik gabe.[42] Maiatzaren 8an, bestalde, Ukrainako Indarrek Popasnatik erretiratu zirela jakinarazi zen, Errusiari herria erabat okupatzeko aukera emanez.[43] Popasna inguruko borroketan, Errusiako Indarrek hiriguneko ondasun guztiak kaltetu edo suntsitu zituzten. Serhi Haidaik esan zuenez, Errusiako Indarrek "[Popasna] Luhansk eskualdeko mapatik ezabatzen" ari ziren.[44] Jakinarazi zenez, errusiar indarrek Rubizhne eta inguruko Voevodivka herria hartu zituzten ere maiatzaren 12an.[45]