Ronald Searle

Ronald Searle
	In the Jungle - Self Portrait, Konyu, Thailand Jungle, 1943ko uztaileko autorretratua. Irudi gehiago
Bizitza
Jaiotza	Cambridge, 1920ko martxoaren 3a
Herrialdea	Erresuma Batua ; Britainia Handia eta Irlandako Erresuma Batua 1927ko apirilaren 12a); Frantzia
Heriotza	Draguignan, 2011ko abenduaren 30a (91 urte)
Familia
Ezkontidea(k)	Kaye Webb (en) (1948ko martxoaren 12a - 1967)
Hezkuntza
Heziketa	Anglia Ruskin University (en) ; Lord Ashcroft International Business School (en) ; Parkside Community College (en) ; St Trinnean's School (en)
Hizkuntzak	ingelesa; frantsesa
Jarduerak
Jarduerak	karikaturagilea, ilustratzailea, gidoilaria, komikigilea, umorista grafikoa eta courtroom sketch artist (en)
Jasotako sariak	ikusi Britainiar Inperioko Ordenaren komendadorea (2004) ; Ohorezko Legioko zalduna (2006) ; Royal Designer for Industry (1988) ; Reuben Award (1960) ; [[]] (2009ko abenduaren 1a) ;
Zerbitzu militarra
Adar militarra	Britainia Handiko Armada
Parte hartutako gatazkak	Bigarren Mundu Gerra

Ronald William Fordham Searle (Cambridge, Ingalaterra, 1920ko martxoaren 3a - Draguignan, Proventza, Frantzia, 2011ko abenduaren 30a) Erresuma Batuko marrazkigilea izan zen.

Biografia

Oso gaztetatik izan zuen karikaturarako zaletasuna. 1941ean elezaharra eta gaurkotasuna batzen zituen marrazki bat egin zuen; Lilliput Magazine aldizkarian argitaratu zuen lan hori, eta sail bateko lehena izan zen (Saint-Trinian). Bigarren Mundu Gerran, Singapurrera bidali zuten eta japoniarrek berehala hartu zuten preso. Espetxealdiari etekina atera nahian, presoen baldintza gogorrak erakusten zituen marrazkiak egin zituen arkatzaz.

1946an Saint-Trinian sailera itzuli zenean, gaztetxo baten bidez espetxearen gogortasuna erakutsi zuen. 1955ean gizartearen gorabeherak biltzen zituen bilduma bat argitaratu zuen, eta 1961ean Time Magazine aldizkariak Jerusalema bidali zuen Adolf Eichmannen prozesuaren jarraipena egitera. Ondoren New York, Alaska, Dublin, Berlin, Milan bisitatu zituen erreportaje-sail bat egiteko.

1961. urtean Frantzian hartu zuen bizilekua eta Figaro littéraire, Magazine littéraire eta New Yorker aldizkarietan egin zituen lanak. 1969an Toulouse-Lautreci buruzko marrazki-sail bat argitaratu zuen; prostituta izugarri handiekin marraztu zuen Searlek artista. Izan ere, pertsonaien arteko neurri desberdintasuna da Searleren ezaugarrietako bat; animalia txiki-txikiak bat-batean mamu izugarri bihurtzen dira, edo unibertso ikaragarri baten erdian jartzen ditu. Hainbat bilduma osatu zituen, hala nola "Barkatu jauna" (1965), "Arrautza-kuboa eta Biribil faltsua" (1968). Gizakien jarrerak animaliengan jartzen ditu. "Tira, ez dago inor!" (1969) lanean, barakuilu bat da pertsonaia. 1971n Grandvilleko umore beltzeko saria jaso zuen, eta 1973an, Liburutegi Nazionalean, Searleren lanaren erakusketa bat antolatu zuen. 2010. urtean, Searlek 2.200 lan eman zizkion Hannoverreko Wilhelm Busch museoari.

Bere lanak eragin handia izan zuen marrazkigile amerikarrengan: Pat Oliphant, Matt Groening, Hilary Knight eta Disneyren "101 Dalmaziar" filmeko egileengan, besteak beste.

Bibliografia hautatua

Back to the Slaughterhouse and Other Ugly Moments, Macdonald & Co Ltd. 1951
Down With Skool!: A Guide to School Life for Tiny Pupils and Their Parents, Max Parrish and Co Ltd. 1953
How to be Topp: A Guide to Sukcess for Tiny Pupils, Including All There is to Kno About Space, The Vanguard Press, New York, 1954
The 13 Clocks and the Wonderful O, Penguin Books Ltd. 1962
Too Many Songs by Tom Lehrer With Not Enough Drawings by Ronald Searle, Pantheon Books, New York 1981
St. Trinian's: The Entire Appalling Business, The Rookery Press, New York 2008

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Wikimedia Commonsen badira fitxategi gehiago, gai hau dutenak: Ronald Searle

Datuak: Q500700
Multimedia: Ronald Searle / Q500700

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.