Ronald B. Kitaj

Ronald B. Kitaj (Cleveland, Ohio, 1932ko urriaren 29a - Los Angeles, Kalifornia, 2007ko urriaren 21a) ingeles margolaria izan zen. Pop Art eta Figurazio Berria joeren jarraitzailea zen.

Ronald B. Kitaj
Bizitza
Jaiotza	Chagrin Falls (Ohio), 1932ko urriaren 29a
Herrialdea	Ameriketako Estatu Batuak
Heriotza	Los Angeles, 2007ko urriaren 21a (74 urte)
Heriotza modua	suizidioa
Familia
Seme-alabak	ikusi Lem Dobbs (en)
Hezkuntza
Heziketa	Royal College of Art (en) Academy of Fine Arts Vienna (en) Cooper Union (en) Camberwell College of Arts (en)
Hizkuntzak	ingelesa
Jarduerak
Jarduerak	artista, margolaria, ilustratzailea eta argazkilaria
Parte-hartzailea Documenta III (en) 4. documenta (en) Documenta 6 (en)
Lantokia(k)	Viena Oxford eta Londres
Enplegatzailea(k)	Camberwell College of Arts (en)
Kidetza	Royal Academy of Arts Arteen eta Zientzien Ameriketako Estatu Batuetako Akademia Ameriketako Estatu Batuetako Arte eta Letren Akademia
Mugimendua	Pop Artea
Izengoitia(k)	Kitaj, Ronald Brooks‏

Oinarrizko ikasketak bukatu zituenean, merkataritza-ontzi batean sartu zen, eta bidaiak egin zituen Karibe eta Hego Amerikara. Bien bitartean, pintura-ikasketak egin zituen New Yorkeko Cooper Unionen, espresionismo abstraktuaren eraginpean. Gero, bidaia gehiago egin zituen Europan eta Afrikaren iparraldean, eta, soldadutza bukatuta, arte-ikasketak sakondu zituen Ingalaterran (1962). Kitajek, orduko joera nagusiaren kontra, pintura figuratiboa egin zuen batez ere, era askotako gaiak landuz: historia, politika, soziologia eta, batez ere, poesia. 1962an, collageak egiten hasi zen Chris Praterrekin. Bakarkako lehen erakusketa Londresko Marlborough Galleryn egin zuen 1963an, eta arrakasta handia izan zuen. Bestalde, eskolak eman zituen Estatu Batuetako eta Europako zenbait unibertsitatetan. Azkeneko lanetan, gero eta nabarmenagoa da Frantziako XIX. mendeko margolarien eragina.