Rocío Saiz

Rocío Saiz Madera (Madril, Madrilgo Erkidegoa,1991ko uztailaren 11) espainiar kantaria, aktorea, diziplina anitzeko artista eta LGBT aktibista da.[1][2] 2022an, Lesbiana, Gay, Trans eta Bisexualen Estatuko Federazioak (FELGTBI+) Pluma Saria eman zion, LGTBIQ+ pertsonen eskubideak ikusarazten eta defendatzen egindako lana aitortzeko.[3]

Rocío Saiz

Bizitza
JaiotzaMadril, 1991ko uztailaren 11 (32 urte)
Herrialdea Espainia
Jarduerak
Jarduerakabeslaria, aktorea, musikaria eta LGBT ekintzailea
Enplegatzailea(k)Radio 3

Ibilbidea

Musika- eta antzerki-industrian trebatua, Emerge Management edo Plan B Music bezalako agentzietan lan egin du eta talde nazional ospetsuen koordinazioaz eta kudeaketaz arduratu da.[4] 2019tik Ground Control Managementeko produkzio-arduraduna da, eta Hinds edo The Parrots bezalako artistak kontratatu ditu.[2] 2021az geroztik, José Manuel Sebastiánek zuzendutako Radio 3eko Que parezca un accidente saioan ere parte hartzen du, astean behin “Tengo el coño en modo avión” izeneko atala du.[5]

Musika-industriarekin eta sorkuntzarekin zerikusia duten proiektu paraleloetan parte hartzen du, eta Las Chillers taldearen eta Monterrosa bikote elektronikoaren (Enrique F. Apariciorekin batera) abeslaria eta liderra izan da.[6][7][8] Besteak beste, jaialdi hauexetan aritu da: Bartzelonako Primavera Sound, Benidormeko Low festival, Austineko (Estatu Batuak) South by Southwest (SXSW), Summercase, Fuengirolako[9] Fulanita fest-a edo Murtziako SOS 4.8 jaialdia.[10]

2020an, Saiz Cuarentena Fest-en bultzatzaileetako bat izan zen. Streaming bidezko musika-jaialdia izan zen, eta COVID-19ren pandemiaren ondoriozko konfinamenduan izan zen. Hainbat artistak beren abestiak beren gelatik interpretatu zituzten, edonork ikus zitzan.[11] Pandemia aldi horretan El País egunkariko Madrilgo atalean argitaratu zuen eta La Experiencia Personal tribunan ere parte hartu zuen.[6]

Musikaren eremuan, Las Chillers taldetik eta Monterrosa bikote elektronikotik igaro ondoren, 2021ean Saizek Amor Amargo izeneko bakarkako lehen albuma aurkeztu zuen, Primavera Labelsek argitaratua. Disko hori Pop elektronikoko zazpi abestik osatu zuten, eta hausturei, segurtasun ezei eta minaren kudeaketa emozionalari buruzko abestiak izan ziren.[12][4][13][14]

LGTBIQ+ ekintzaile gisa, ohiko gonbidatua da eztabaida- eta errebindikazio-guneetan.[15] Musikaren Industriako Emakumeen Elkarteko (MIM) eta Keychangeko zuzendaritza-batzordeko kidea da. Sare horrek musika-industrian genero-berdintasunaren alde lan egiten du, sortzen ari diren emakume-talentuetan inbertitzen duen kanpaina baten bidez, genero-ikuspegia aztertzen du eta Europako jaialdietan parekotasun-konpromisoa sinatzera animatzen ditu.[16][17] Gainera, 2022ko apirilaren 28an, Saiz Diputatuen Kongresura gonbidatu zuten Ikuspen Lesbikoaren Egunean hizlari gisa parte hartzera.[1]

2022an, halaber, lehen aldiz aritu zen zineman, Zaida Carmonak zuzendutako La amiga de mi amiga komedia erromantiko lesbikoan. Filma horrek Bartzelonako Zinemaldi Internazionalean (D’A Film Festival) palmaresa jaso zuen .[18] Saiz, besteak beste, Nausicaa Bonnin aktorearekin, Alba Cros zuzendariarekin, Christina Rosenvinge kantautorearekin eta Brigitte Vasallo idazlearekin aritu zen.[19][20] Gainera, Amor Amargo albumeko kantetako bat, La Juventud izenekoa, film horretako soinu-bandan dago.[14][21]

Diskografia
  • 2021 – Amor amargo/ Maitasun mikatza. Primavera Labels

Sariak eta aintzatespenak
  • 2022aren hasieran, Jägermeisterren musika-programak Saiz sartu zuen bere roster 2022ko artista garrantzitsuenetakotzat, eta urte osoan hainbat areto eta jaialditako haren agerpena aurreratu zuen.[22]
  • 2022ko azaroan, Estatuko Lesbiana, Gay, Trans eta Bisexualen Federazioak (FELGTBI+) Pluma Saria eman zion, LGBT pertsonen eskubideak ikusarazten eta defendatzen egindako lana aitortzeko. Besteak beste, Chelo García-Cortés kazetariarekin, Lola Rodríguez aktorearekin eta Óscar Hernández Campano idazlearekin partekatu zuen saria Sar hori 2007an sortu zen eta talde horren sari garrantzitsuena da.[3]

Erreferentziak
  1. Nast, Condé. (2022-07-13). «Rocío Saiz, la lucha por la visibilidad lésbica desde el fondo de las canciones» Vogue España.
  2. «Rocío Sáiz» LB Talks.
  3. FELGTBI+, Prensa. (2022-11-07). «Chelo García-Cortés, Lola Rodríguez, Miguel Ángel Sánchez, Rocío Sáiz, Óscar Hernández-Campano y Juan Andrés Teno, premios Plumas 2022» FELGTBI+.
  4. «Entrevista: Rocío Saiz» beatburguer.com.
  5. «Que parezca un accidente» RTVE.es 2022-08-09.
  6. Pastor, Custodio. (2018-12-14). La revolución bailando. ISSN 1134-6582..
  7. Monterrosa: «Canciones de hombres heterosexuales, blancos y de clase privilegiada ya hay muchas» — Alternavivo. .
  8. Moreno, Merce. (2020-07-09). «Revisamos 'La última conexión' de Monterrosa: "En los festivales, o vas de guay, o te dejan fuera"» El Rescate Musical.
  9. SER, Cadena. (2022-04-11). «Fulanita Fest: Fuengirola acoge el primer festival musical femenino del sur de España» cadena SER.
  10. «Rocío Saiz: "Me decían que cómo sacaba un disco siendo mujer, mayor de 30 y lesbiana" | Europa FM» www.europafm.com 2022-06-27.
  11. Saiz, Rocío. (2020-03-28). «Y, entre tanto, apoyando la cultura» El País.
  12. «Rocío Saíz nos presenta 'Amor amargo'» RTVE.es 2021-12-17.
  13. «Rocío Sáiz» FanMusicFest.
  14. Fede. (2022-06-28). «Rocío Saiz publica el videoclip de "La Juventud", parte de la banda sonora de la película La amiga de mi amiga» Con Pochoclos.
  15. «Les Coruña organiza un evento por la visibilidad lésbica en la música» El Ideal Gallego.
  16. «Rocio Saiz» Keychange.
  17. «Mueveloreina y Rocío Saiz nos cuentan su aventura islandesa» Red Bull.
  18. Fede. (2022-06-28). «Rocío Saiz publica el videoclip de "La Juventud", parte de la banda sonora de la película La amiga de mi amiga» Con Pochoclos.
  19. La amiga de mi amiga | Filmin. .
  20. «Reparto de La amiga de mi amiga (película 2022). Dirigida por Zaida Carmona» La Vanguardia 2022-12-10.
  21. González, Fran. (2022-06-28). «Rocío Saiz pone imágenes a 'La Juventud', su tema perteneciente a la banda sonora de "La Amiga De Mi Amiga"» Dod Magazine.
  22. «Los grupos del mañana, hoy: Jägermusic presenta su roster 2022» beatburguer.com.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.