Robert Mangold

Robert Mangold
	; Irudi gehiago
Bizitza
Jaiotza	North Tonawanda (New York), 1937ko urriaren 12a (86 urte)
Herrialdea	Ameriketako Estatu Batuak
Familia
Ezkontidea(k)	Sylvia Plimack Mangold (en)
Hezkuntza
Heziketa	Yale School of Art
Hizkuntzak	ingelesa
Jarduerak
Jarduerak	margolaria, ilustratzailea eta marrazkilaria
	Parte-hartzailea Documenta 5 (en) ; Documenta 6 (en) ; documenta 7 (en) ;
Enplegatzailea(k)	School of Visual Arts (en)
Jasotako sariak	ikusi John Simon Guggenheim Memorial Foundation beka ;
Kidetza	Ameriketako Estatu Batuetako Arte eta Letren Akademia
Mugimendua	Minimalismoa

Robert Mangold (North Tonawanda, New York, AEB, 1937ko urriaren 12a) estatubatuar margolari minimalista da.

Biografia

Nekazari-ingurunean hazi zen. Arteko lehenengo ikasketak Cleveland Art Instituten egin zituen 1956-1959 bitartean. Beka bati esker Yaleko Unibertsitatera aldatu zen, eta 1962an graduatu zen. Ondoren, Josef Albersen eraginpean, graduatu ondoko ikasketak egin zituen (1963). New Yorken hartu zuen bizitokia 1962an, eta, zenbait lanbidetan jardun ondoren, 1963an New Yorkeko Arte Ikusgarrien Eskolako pintura-irakasle egin zuten.

Bakarkako lehenengo erakusketa Thibaut Gallery aretoan egin zuen, hurrengo urtean; erakusketa hartan jarri zituen ikusgai Walls eta Area, minimalismoaren joeratik hurbileneko lanak. 1967an erakusketa bat egin zuen Fischbach Galleryn, zirkulu baten epaiaren azterketan oinarrituriko obrekin. Handik bi urtera Guggenheim beka eskuratu eta New York estatuko iparraldera aldatu zen. Garai hartan hard edge estilo minimalistako lanak egin zituen, baina hasierako pieza arkitektonikoen aldean, koadro txikiagoak egiten hasi zen.

1970eko hamarraldiaren amaieran akrilikoak erabiltzen hasi zen olio pinturen ordez, eta testura bereziko gainaldeak lortu zituen oihal formadunen gainean egindako marrazkiekin, koadroaren gainaldea ukigarriagoa egiteko helburuarekin. Hurrengo hamarraldian, berriz, forma geometriko espezifikoei jarri zien arreta berezia, eta horrela sortu zituen X formako oihalak eta zentroa moztuta duten Koadro-markoak. Azkenaldian testura eta gainalde desberdinez kezkatu da. Aipagarriak ditu, besteak beste, Brown Frame/Gray Ellipse (1987).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q686615
Multimedia: Robert Mangold / Q686615

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.