Robert Arneson

Robert Arneson
Bizitza
Jaiotza	Benicia (Kalifornia), 1930eko irailaren 4a
Herrialdea	Ameriketako Estatu Batuak
Heriotza	Benicia (Kalifornia), 1992ko azaroaren 2a (62 urte)
Heriotza modua	berezko heriotza: minbizia
Familia
Ezkontidea(k)	Sandra Shannonhouse (en) (1973ko maiatzaren 19a -
Hezkuntza
Heziketa	California College of the Arts (en) ; Benicia High School (en)
Hizkuntzak	ingelesa
Jarduerak
Jarduerak	zeramikaria, margolaria, marrazkilaria, eskultorea, grabatzailea eta artista
Lantokia(k)	Benicia (Kalifornia); Davis (Kalifornia) eta Oakland
Enplegatzailea(k)	University of California, Davis (en)
Jasotako sariak	ikusi Fellow of the American Craft Council (1992) ;
Mugimendua	Funk art (en)
Izengoitia(k)	Arneson, Robert Carston
Genero artistikoa	Arte figuratiboa

Robert Carston Arneson (Benicia, Kalifornia, AEB, 1930eko irailaren 4a - Kalifornia, 1992ko azaroaren 2a) estatubatuar eskultorea izan zen.

Biografia

Hamazazpi urte zituela hasi zen bere jaioterriko egunkarian astekariko kirol-karikaturak egiten. Arte-ikasketak egin zituen, eta Arteko irakaslea izan zen hainbat eskolatan. Marrazkigintza utzi eta zeramika-lanei ekin zien gero. 1950eko hamarkadaren amaieran buztinaren aukerak aztertzen hasi zen, eta ohiko ontzi eta katiluez gainera botilak ere egiten zituen.

1962an, Kaliforniako Unibertsitateko Zeramika Departamenduko buru egin zuten, eta 1973an, bertako Arte irakasle izendatu zuten, baina ez zion sekula sormen-lanari utzi. Haren lanak eragin handia izan zuen Estatu Batuetako zeramikagintzan. Eguneroko gauzak eta gaiak erabiltzen zituen bere lanetan. Publizitate-esloganak ere sarri erabili zituen (Things Go Better With Coke, Diet Coke). Haren lanik aipagarriena Alice House ("Aliziaren etxea") da.

1970eko hamarkadan erretratuak egiten hasi zen. Bere buruaren, eta lagunen, eta miresten zituen artisten umorezko erretratuak egin zituen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q7341594
Multimedia: Robert Carston Arneson / Q7341594

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.