Richard Leakey

Richard Leakey
	; (1986) Irudi gehiago
National Museums of Kenya (en) zuzendari
museo zuzendari
Bizitza
Jaiotzako izen-deiturak	Richard Erskine Frere Leakey
Jaiotza	Nairobi, 1944ko abenduaren 19a
Herrialdea	Kenya
Heriotza	Nairobi, 2022ko urtarrilaren 2a (77 urte)
Hobiratze lekua	Ngong Hills (en)
Familia
Aita	Louis Seymour Bazett Leakey
Ama	Mary Leakey
Ezkontidea(k)	Meave Leakey (1970 - 2022)
Seme-alabak	ikusi Louise Leakey (en) ;
Anai-arrebak	ikusi Philip Leakey; Jonathan Leakey;
Hezkuntza
Heziketa	Lenana School (en)
Hizkuntzak	ingelesa
Jarduerak
Jarduerak	antropologoa, paleontologoa, arkeologoa, historiaurrelaria, autobiografialaria, paleoantropologoa, politikaria, kontserbatzailea eta ekintzaile ekologista
Enplegatzailea(k)	Stony Brookeko Unibertsitatea
Jasotako sariak	ikusi Royal Societyko kidea (2007) ; Patroiaren domina (1990) ; Hubbard Medal (1994) ; Fellow of the African Academy of Sciences (2019) ; Livingstone Medal ;
Kidetza	Royal Society; Arteen eta Zientzien Ameriketako Estatu Batuetako Akademia; Academia Europaea (en) ; African Academy of Sciences (en)
Mugimendua	humanismoa
Sinesmenak eta ideologia
Erlijioa	ateismoa
Alderdi politikoa	Safina (en)

Richard Erskine Leakey (Nairobi, Kenya, 1944ko abenduaren 19a - ibidem, 2022ko urtarrilaren 2a) kenyar antropologoa izan zen.

Biografia

Mary Douglas Leakey paleoantropologoaren eta Louis Leakey antropologoaren semea izan zen. Hasieran ez zuen gurasoen bidetik jarraitu nahi izan. 1963an, ordea, australopitekoen masailezur bat aurkitu zuen, eta antropologia ikastea erabaki zuen. Londresen bi urteko ikastaro bat sei hilabetean osatu ondoren, Kenyara itzuli zen. 1967an, aztarnategi paleontologiko garrantzitsu bat aurkitu zuen Turkana aintziraren ekialdeko ertzean. Han, Austrolopithecus boiseiaren burezur bat aurkitu zuen oso-osorik 1969an, eta, urte batzuk geroago, Homo habilis motako burezur bat. Burezur hura berregin eta ikertu ondoren, bi milioi urteko data ipini zion, eta Homo leinuaren antzinatasuna uste zen baino askoz handiagoa dela frogatu zuen.

1984an, ordu arteko Homo erectusaren hezurdurarik osoena aurkitu zuen Alan Walkerrekin, eta baita Sivapithecusaren masailezurra, hortzak eta burezur-zatiak ere, 17 milioiko antzinatasuna eta gizonaren zein tximinoaren aurrekoa izan daitekeena.

1968tik 1989ra, Kenyako Museo Nazionaleko zuzendari izan zen, eta, gero, Kenyako Fauna Zerbitzuen buru. 1977an, The Making of Mankind (Gizateriaren eraketa) lana argitaratu zuen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q318960
Multimedia: Richard Leakey / Q318960

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.