Richard E. Byrd

Richard E. Byrd
	; Irudi gehiago
Bizitza
Jaiotzako izen-deiturak	Richard Evelyn Byrd
Jaiotza	Winchester (en) , 1888ko urriaren 25a
Herrialdea	Ameriketako Estatu Batuak
Bizilekua	Winchester (en)
Heriotza	Boston, 1957ko martxoaren 11 (68 urte)
Hobiratze lekua	Arlingtongo Hilerri Nazionala
Familia
Aita	Richard Evelyn Byrd, Sr.
Ama	Ellinor Bolling Flood
Ezkontidea(k)	Marie Donaldson Ames (en)
Seme-alabak	ikusi Richard Evelyn Byrd III (en) ;
Anai-arrebak	ikusi Harry F. Byrd (en) ;
Hezkuntza
Heziketa	Virginiako Unibertsitatea ; Virginia Military Institute (en) ; United States Naval Academy (en)
Hizkuntzak	ingelesa
Jarduerak
Jarduerak	esploratzailea, ofizierra, ozeanografoa eta hegazkinlaria
Jasotako sariak	ikusi Distinguished Flying Cross ; Legionnaire of Legion of Merit ; Medal of Honor ; Freedom Award (1960) ; Hubbard Medal (1926) ; Vega Medal (1948) ; Navy Cross ; Patroiaren domina (1931) ; Ameriketako Estatu Batuetako Kongresuko Urrezko Domina ; National Aviation Hall of Fame ; World War II Victory Medal ; Langley Gold Medal (1929) ; David Livingstone Centenary Medal (1929) ; Navy Distinguished Service Medal ; Victory Medal ; Asiatic-Pacific Campaign Medal ; Honorary Scout ; Ohorezko Legioko zalduna ; Aviation Hall of Fame and Museum of New Jersey ; Legion of Merit ; American Campaign Medal ; European-African-Middle Eastern Campaign Medal ; Antarctica Service Medal ;
Zerbitzu militarra
Adar militarra	Ameriketako Estatu Batuetako Itsas Armada; Ameriketako Estatu Batuetako Itsas Armada
Gradua	kontralmirante
Parte hartutako gatazkak	Lehen Mundu Gerra; Bigarren Mundu Gerra

Richard Evelyn Byrd (Winchester, Virginia, 1888ko urriak 25-Boston, Massachusetts, 1957ko martxoak 11) esploratzaile eta hegazkin pilotu estatubatuar handi bat izan zen, eta bereziki ezaguna Antartikan zehar eginiko bere hegaldi ausartengatik, kontinente izoztuaren konfigurazio geografikoa hobeto ezagutzea ahalbidetu zutenak.

Eskualde Artikoa

Byrdek hegazkinen eraginkortasuna lehen aldiz 1925eko enpresa polarrean esperimentatu zuen, Ellesmere uhartearen gainetik hegan egin zuenean Groenlandiatik abiatuta. Hegaldiaren arrakastak Ipar Polora airez iristeko aukeran pentsarazi zion, eta 1926an proiektu hau egin zuen. Maiatzak 9an Erregearen Badia gainean altxatu zen, Svalbard uhartediko Spitsbergen uhartean, Fokker hegalbakarrean, eta Bennet pilotu tenientearekin batera, Ipar Poloaren gainetik hegan egin zuen. Balentria honek ospe handia eman zion eta Hego Polorako bere hegaldietarako finantzazioa lortzeko balio izan zion. Alabaina, jada 1926tik egundaino, Byrdek poloaren gainetik hegan egiten ote zuen zalantzak sortu dira, bere hegaldi txostenaren eta sextantearen oharren artean hegaldiaren ezabapenekin dauden desadostasunak oinarri hartuta.

Eskualde Antartikoa

Baliabide hau berau erabili zuen Antartika esploratzeko. Byrden 1928ko Hego Polorako espedizioa kontu handiz prestatua izan zen, eta baliabide handiz hornitua. Kanpamendu baseak, Roosevelt uharteaaren ipar muturrean, Ross itsasoan, laborategiak, lantegiak, biltegiak, irrati estazio bat eta ospitale bat zituen. Base honetan, Little America deitua, 14 hilabetetan bizi izan ziren 42 gizon. Handik abiatu zen Byrd hegazkinean Hego Poloari buelta emateko, 1929ko azaroak 29an honen gainetik hegan egin zuelarik, eta bere emaztearen omenez Marie Byrd Lurraldea deitu zuen lurraldea aurkitu zuen, baita mendikate garrantzitsuak ere, eta gainera Eduardo VII.aren Lurraldea esploratu zuen.

Balio handiko frogak emanez, 1934ko negua txabola batean bakarrik igaro zuen Little Americatik ia 200 kilometrora, datu zientifikoak lortzeko asmoz.

Richard Evelyn Byrden soingaina Antartikako Ross uharteko McMurdo Basean.

Lortutako arrakastek bultzatuta, Byrdek beste hiru espedizio antolatu zituen 1939 eta 1955 artean, horietan, gainera, hegazkinak, helikopteroak eta urpekontziak erabili zituelarik, Antartika geroz eta hobeto ezagutzea eta bere kontinentetasuna ezarriz.

Highjump Operazioa antolatu zuen, izen ofizial bezala The United States Navy Antarctic Developments Program, 1946-1947 edo Ameriketako Estatu Batuetako Itsas Armadaren Garapen Antartikoen Programa zuena. Helburu bezala ekipo militarrak eta tropak Antartikako baldintzetan frogatzea zuten maniobra militar batzuk izan ziren. Maniobra hauek jarraipena izan zuten 1947-1948ko Windmill Operazioa eta 1955-1956ko Deep Freeze Operazioarekin.

1957ko martxoak 11n hil zen, lotan ari zen bitartean. Beste espedizio bat antolatzen ari ziren 1957-1958 Nazioarteko Urte Geofisikoa zela eta.

Konspirazionismoa

Egileren batzuk Byrdi buruz espekulatu dute, Lur Hutsaren teoriarekin lotuz. Diotenez, bere hegaldietako batean, lur barneko mundu horretarako sarrera bat topatu zuen. Aurkikuntza ez zen ezagutzera eman Estatu Batuetako Armadak Byrd isilarazi zuelako, hegazkin pilotuaren bere esplorazioei buruzko adierazpenek pistak eskainiko lituzketen arren, beti ere egile hauen arabera.

Wikimedia Commonsen badira fitxategi gehiago, gai hau dutenak: Richard E. Byrd

Datuak: Q210268
Multimedia: Richard E. Byrd / Q210268

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.