Ribe
Ribe Hegoaldeko Danimarkako eskualdean kokaturik dagoen Esbjerg udalerriko herria da. Danimarkako hiri zaharrena da.
| Ribe Ribe | ||
|---|---|---|
| herria | ||
 | ||
| ||
| Administrazioa | ||
| Herrialdea |  Danimarka | |
| Eskualdea | Hegoaldeko Danimarkako eskualdea | |
| Jatorrizko izena | Ribe | |
| Posta kodea | 6760 | |
| Geografia | ||
| Koordenatuak | 55°19′38″N 8°45′47″E | |
 | ||
| Altuera | 5 m | |
| Demografia | ||
| Biztanleria | 8.317 (2020) | |
| Informazio gehigarria | ||
| Sorrera | 705-710 | |
| Ordu eremua | UTC+01:00 eta UTC+02:00 | |
| Hiri senidetuak | Güstrow, Balleroy, Ely, Krems an der Donau, Leikanger, Ratzeburg eta Strängnäs udalerria | |
| ribe.dk | ||
Historia
Ribe 705-710 urteen inguruan sortua bide da, nahiz eta lehendabiziko aipamena 854. urtekoa den; edonola ere, Danimarkako hiri zaharrena da.
860. urtean, Hamburg-Bremengo artzapezpiku Ansgarrek Europa iparraldea kristautzeko misioan, Danimarkako erregeari eskatu zion Eskandinaviako lehenengo eliza kristaua Riben eraiki behar zela. Izan ere, Ribe baitzen inguru hartan merkataritza mugimendu handiena zuen herria. Hala ere, ez zen katedralik eta apezpikurik han izan 948 arte.
1460an, Riben sinatu zen Ribeko Ituna. Haren bitartez, Kristian I.a Danimarkakoak eta hainbat alemaniar noblek Danimarkako Schleswigeko dukerria eta Alemaniako Holsteingo konderria bateratzea erabaki zuten, eta Danimarkaren menpe geldituko zen, Hego Jutlandia (Sønderjylland) izenarekin.
1580ko irailaren 3an sute itzela gertatu zen: 11 kale eta 213 etxe erre ziren. 1634ko urriaren 11 eta 12an, ekaitz batek sei metroko olatuak eragin zituen, eta herria suntsitu. Ez zen 1976 arte dikerik eraiki, itsasoari aurre egiteko. Hondamendi haiek gorabehera, Ribeko alde zaharreko 100 etxek ondo iraun dute, eta ondare nazional izendatuak daude.
2007an Esbjerg, Ribe eta Bramming udalerriek bat egin zuten, Esbjerg udalerria eratzeko.
Demografia
|
|
|
|
|
Ondasun nabarmenak
- Ribeko Katedrala (danieraz Ribe Domkirke): 1125 eta 1160 artean eraikitako eliza erromanikoa da. XIV mendean estilo gotikoan handitu zen. Berezia da bere kanpaidorrea, "Ekaitzen kanpaien dorrea" izenaz ezaguna, eta Dronning Dagmar ligger i Ribe syg (Dagmar erregina gaixorik dago Riben) melodia jotzen duena.
- Ribeko Vikingoen Museoa (Museet Ribes Vikinger)
- Ribeko Arte Museoa (Ribe Kunstmuseum)
Ribetar ezagunak
- Maren Spliid (1600-1641), Danimarkako sorginik ezagunena. Ribeko plazan erre zuten.
- Emil Christian Hansen (1842-1909), garagardogintza modernoaren aita.
- John Lauridsen (1959- ), futbol jokalaria.
Kanpo estekak
- (Ingelesez) (Italieraz) (Frantsesez) Turismo bulegoko webgunea
