Re-Animator
Re-Animator edota H. P. Lovecraft's Re-Animator (euskaraz Ber-Animatzailea edota H. P. Lovecraften Ber-Animatzailea) 1985eko Stuart Gordon estatubatuar zinema zuzendariak zuzendu eta Brian Yuzna zinema ekoizleak ekoiztutako beldurrezko film bat da. H. P. Lovecraft idazlearen Herbert West–Reanimator izeneko kontakizun laburrez osatutako bilduman arinki oinarritua dago. Bruce Abbott, Barbara Crampton, David Gale, Robert Sampson eta Jeffrey Combs aktoreek antzeztu zuten.
 Re-Animator | ||||
|---|---|---|---|---|
| Jatorria | ||||
| Argitaratze-data | 1985 | |||
| Izenburua | Re-Animator | |||
| Jatorrizko hizkuntza | ingelesa alemana | |||
| Jatorrizko herrialdea | Ameriketako Estatu Batuak | |||
| Banatze bidea | eskatu ahalako bideo | |||
| Ezaugarriak | ||||
| Genero artistikoa | zientzia-fikziozko filma, comedy horror (en)  , zombie film (en) , splatter film (en) , lan literario batean oinarritutako filma eta body horror film (en) | |||
| Iraupena | 104 minutu | |||
| Kolorea | koloretakoa | |||
| Deskribapena | ||||
| Oinarritua | Herbert West–Berranimatzailea | |||
| Grabazio lekua(k) | Los Angeles | |||
| Zuzendaritza eta gidoia | ||||
| Zuzendaria(k) | Stuart Gordon | |||
| Gidoigilea(k) | Stuart Gordon | |||
| Antzezlea(k) | ||||
Jeffrey Combs (Herbert West (en) )Bruce Abbott Barbara Crampton Carolyn Purdy David Gale (en) Ian Patrick Williams (en) Peter Kent (en) Robert Sampson David Gale (en) Peter Kent (en) | ||||
| Ekoizpena | ||||
| Ekoizlea | Brian Yuzna | |||
| Edizioa | Lee Percy | |||
| Bestelako lanak | ||||
| Musikagilea | Richard Band | |||
| Argazki-zuzendaria | Mac Ahlberg | |||
| Fikzioa | ||||
| Kontakizunaren tokia | Zürich | |||
| Argumentu nagusia | Zientzialari eroa | |||
| Historia | ||||
| Jasotako sariak | Sitges Film Festival Best Feature-Length Film award (en) | |||
| re-animatorfilms.com… | ||||
           | ||||
| kronologia | ||||
| ||||
Bride of Re-Animator (1990, Ber-Animatzailearen Neskalaguna) eta Beyond Re-Animator (2003, Re-Animatzaileaz Haratago) jarraipenak dauzka.
Argumentua
Herbert West (Jeffrey Combs) Suitzako Zürich hiriko unibertsitate batean esperimentu zalantzagarriak burutzen ari den medikuntza ikasle xelebre bat da, haietako batean berarekin lanean ari zen zientzialari bat hilik suertatzen denean unibertsitatetik kaleratuko dute.
Jada, AEBetara itzuli eta Massachusetts estatuko Arkham hiriko Miskatonic Unibertsitatean izen emango du. Bertan, bere esperimentu ikaragarriak egiteari berrekingo dio, alegia, hildakoak biziberritzeko seruma lortzeko formula topatzea, horretarako hildakoen gorpuekin esperimentatuko du. Westek bere pisukidea den Dan (Bruce Abbott) eta haren neskalaguna Megan (Barbara Crampton) ere bere proiektu makabroaren partaide egingo ditu.
Bitxikeriak
Filma estreinatu eta berehala gore generoko zinemazaleen artean kultuzko filma bilakatu zen, beldurrezko zinema eta komedia edo umore beltzaren elementuak ere elkarnahasten ditu.
Bitxikeria gisa, zinezale askok filmaren soinu bandaren hasierako doinua Alfred Hitchcockek zuzendutako Psycho (1960) filmaren doinu ospetsuaren plagio hutsa dela aipatu ohi dute, bi doinuek antzekotasun ikaragarria baidute. Film honetako zaletu askok nahitan, umorez eta disimulurik gabe Hitchcock eta bere filmaren omenez egin zela defendatzen dute.
Aktoreak
- Jeffrey Combs: Herbert West
- Bruce Abbott: Dan Cain
- Barbara Crampton: Megan Halsey
- David Gale: Carl Hill doktorea
- Robert Sampson: Dean Alan Halsey
- Al Berry Hans Gruber doktorea
- Carolyn Purdy-Gordon: Harrod doktorea
- Ian Patrick Williams: Suitzar irakaslea
- Gerry Black: Mace
- Peter Kent: Melvin Ber-Animatzailea
Kanpo estekak
- Re-Animator filmaren iragarkia ikusgai. Youtube.com (Ingelesez)
- Re-Animator film osoa ikusgai. Youtube.com (Ingelesez)
- Re-Animator filmaren IMDBko fitxa irakurgai (Ingelesez)
