Raoul Hausmann

Raoul Hausmann (Viena, 1886ko uztailaren 12a - Limoges, 1971ko otsailaren 1) austriar artista eta idazlea izan zen. Berlingo dadaismoaren funtsezko figuretako bat izan zen. Bere collage esperimentalek, soinu-olerkiek eta kritikek eragin sakona izan zuten lehen mundu gerraren ondorengo Europako abangoardian. Berlinen hamalau urte zituenetik, eskola pribatuetan ikasi zuen artea. 1912an Erich Heckelen estudioan grabatu espresionistak egiten hasi zen. 1915ean Hannah Höch margolaria ezagutu zuen eta harreman estramaritala izan zuen berarekin 1922 arte. 1918an lehen Dada taldean parte hartu zuen Berlinen. Garai hartan fotomuntaiak eta soinu-olerkiak egin zituen. Bere etapa Dadaren ondoren Kurt Schwittersekin adiskidetu zen eta nazioarteko modernismoan kokatu zen. 1920ko hamarkadaren amaieran argazkigintzan aritu zen, bereziki biluzik, paisaiak eta erretratuak. Nazien jazarpenak Frantziara ihes egitera behartu zuen.

Raoul Hausmann
Irudi gehiago
Bizitza
Jaiotza	Viena, 1886ko uztailaren 12a
Herrialdea	Austria  Alemania
Heriotza	Limoges, 1971ko otsailaren 1a (84 urte)
Hezkuntza
Hizkuntzak	alemana
Jarduerak
Jarduerak	argazkilaria, idazlea, eskultorea, margolaria, poeta, ilustratzailea, artista bisuala, visual poet (en) , collagist (en) , kazetaria eta etnologoa
Parte-hartzailea documenta 8 (en) foto '37 (en)
Lan nabarmenak	ikusi Q3203278
Mugimendua	dadaismoa