Rachel Katznelson

Rachel Katznelson-Xazar (hebreeraz: רחל כצנלסון-שזר‎), Rachel Xazar ere deitua (Babruisk, Bielorrusia, 1885eko urriaren 24a - Jerusalem, 1975eko abuztuaren 11)[1] Errusian jaiotako Israelgo emakume idazlea, hezitzailea eta ekintzailea izan zen. Zalman Xazar Israelgo hirugarren presidentearen emazte bezala Israelgo lehen andrea (1963-73) izan zen.[2]

Rachel Katznelson

Bizitza
JaiotzaBabruisk, 1885eko urriaren 24a
Herrialdea Israel
HeriotzaJerusalem, 1975eko abuztuaren 11 (89 urte)
Hobiratze lekuaHerzl mendia
Familia
Ezkontidea(k)Zalman Shazar (en) Itzuli
Anai-arrebak
Hezkuntza
HeziketaSan Petersburgoko Estatu-Unibertsitatea
Hizkuntzakhebreera
Jarduerak
Jarduerakidazlea, saiakeragilea, hezitzailea eta aktibista
Jasotako sariak
Sinesmenak eta ideologia
Alderdi politikoaMapai (en) Itzuli

Biografia

Rachel Katznelson bezala jaio zen 1885eko urriaren 24an, Babruisk hirian,[3] orduan Errusiar Inperiokoa eta gaur egun Bielorrusiakoa, familia judu tradizional batean. 18 urte zituela, errusiar eskolan ikasketak ohorekin egin zituen. Izan ere, unibertsitatera sartzeko aukera eman zion, zeren eta juduentzat lekuen ehuneko txikia baino ez baitzen. San Petersburgoko Estatu Unibertsitatean literatura eta historia ikasteko onartu zuten. San Petersburgoko Juduen Ikasketen Akademian ere ikasi zuen, non bere senarra Zalman Xazar —orduan Shneur Zalman Rubashov bezala ezaguna— ezagutu zuen, 1920an ezkondu zenarekin.

1912. urtean, Katznelsonek Palestinara emigratu zuen, orduan Otomandar Inperioaren parte eta gaur egun Israelena, eta berehala erakunde sionista askotan parte hartu zuen, 1905ean bere jaioterrian sionismoaren mugimendu sozialistaren parte izan zena. 1916an, Mugimendu Sozialistaren Lehen Kultur Batzordea hautatu zuten, Berl Katznelson-ekin eta Yitzhak Tabenkin-ekin (Babruisk-en jaioak ere) batera eta haiekin lan egin zuen langileen heziketa hobetzeko. Geroago, Achdut Ha'avodah alderdiko batzorde kulturaleko kide izendatu zuten, eta Histadrut-ekoa, 1924an. Bere bizitzan, Histadrut-ekin eta Mappay alderdiarekin parte hartu zuen. Halaber, bere senarrari lagundu zion hainbat betebehar publikotan, Knesset-eko kidea, gobernuko ministroa, Israelgo Lurrerako Judu-Agentziako zuzendaritza-batzordeko kidea eta, azkenik, Israelgo presidentea 1963tik 1973ra arte.

Familia

Bere nebak Avraham Katznelson (Israelgo Independentzia Adierazpenaren sinatzaileetako bat izan zen), Joseph Katznelson (Ze'ev Jabotinsky-ren lankidea eta Irgungo legez kanpoko immigrazioko bi nagusietako bat) eta Reuben Katznelson (Judu-Legioko kidea eta sargentoa, eta Joseph Trumpeldorren laguna, Galipoliko guduan). Reuben Katznelson Shulamit Katznelson-en eta Shmuel Tamir-en aita izan zen.

Sariak
  • 1947an, Katznelson-Xazarrek Brenner saria jaso zuen.
  • 1958an, Israel saria jaso zuen, gizarte zientzietan.
  • 1968an, Yakir Yerushalayim saria jaso zuen.

Erreferentziak
  1. Harshav, Benjamin. Language in Time of Revolution(Ingelesez); University of California Press, 1993-08-06. ISBN 9780520912960.
  2. «Katznelson-Shazar, Rachel (1888–1975) - Dictionary definition of Katznelson-Shazar, Rachel (1888–1975) | Encyclopedia.com: FREE online dictionary(Ingelesez)
  3. Hagati-Chomsky, Michal. «Rahel Katznelson» (Ingelesez). Jewish Women's Archive. .

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.