Raúl Silva Henríquez

Raúl Silva Henríquez
	; Irudi gehiago
kardinal
Archbishop of the Roman Catholic Archdiocese of Santiago de Chile (en)
bishop of Valparaíso (en)
Bizitza
Jaiotzako izen-deiturak	Raúl Silva Henríquez
Jaiotza	Talca, 1907ko irailaren 27a
Herrialdea	Txile
Heriotza	Santiago, 1999ko apirilaren 9a (91 urte)
Hobiratze lekua	Santiago
Hezkuntza
Heziketa	Txileko Pontifize Unibertsitate Katolikoa ; Salesian Pontifical University (en)
Hizkuntzak	gaztelania
Jarduerak
Jarduerak	apaiz katolikoa, abokatua eta apezpiku katolikoa
	Parte-hartzailea 1978ko urriko konklabea ; 1978ko abuztuko konklabea ; 1963ko konklabea ;
Jasotako sariak	ikusi Bruno Kreisky saria (1979) ;
Sinesmenak eta ideologia
Erlijioa	Erromatar Eliza Katolikoa
Erlijio-ordena	San Frantzisko Saleskoaren Elkartea

Raúl Silva Henríquez (Talca, Txile, 1907ko irailaren 7a - Santiago, Txile, 1999ko apirilaren 9a) txiletar kardinala izan zen.

Biografia

Lehen ikasketak sorterrian eta Santiagon egin zituen. 1924tik 1928ra, Zuzenbideko ikasketak egin zituen Txileko Unibertsitate Katolikoan, eta 1929an eskuratu zuen abokatu-titulua. Honoris causa doktorea da Txileko Unibertsitate Katolikoan, Yoma Collegen, Georgetownen eta Notre Damen.

1930ean, Salestarren kongregazioan sartu zen. 1934an, Italiara abiatu zen ikasketak osatzera, eta handik lau urtera ordenatu zen apaiz. Urte hartan bertan itzuli zen Txilera. Harrezkero, Teologiako irakasle gisa lan egin zuen, Rumbos (1948) aldizkaria sortu zuen, Migrazioen Institutu Katolikoa (INCAMI) antolatu zuen (1954), eta Nazioarteko Caritasen Txileko ardura hartu zuen (1956).

1959an, gotzain izendatu zuten, eta, 1961ean, artzapezpiku. 1962an, kardinal-maila eskuratu zuen, eta Vatikanoko II. Kontzilioan eta Latinoamerikako Eliz Bileretan parte hartu zuen, besteak beste. Garrantzizko lana egin zuen Augusto Pinocheten gobernuaren eta oposizioaren arteko elkarrizketetan. Besteak beste, Bakearen Aldeko Batzordea (1974) eta Kristau Humanismoaren Akademia (1975) sortu zituen.

1983an, bertan behera utzi zuen artzapezpiku-kargua. Hainbat sari eman zizkioten bai berari, Nazio Batuen Giza Eskubideen 1978ko Saria, esaterako, bai hark sortutako zenbait erakunderi, hala nola 1986ko Adiskidetasunaren Asturiasko Printzea saria Vicaría de la Solidaridad erakundeari, Pinocheten agintaldiko giza eskubideen defendatzaile nagusiari.

Wikimedia Commonsen badira fitxategi gehiago, gai hau dutenak: Raúl Silva Henríquez

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q965283
Multimedia: Raúl Silva Henríquez / Q965283

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.