Qutub Minar

Qutub Minar (batzuetan Qutb Minar) munduko adreiluzko minarete altuena da. Delhiko monumentu islamdarrik zaharrena ere bada.

Qutub Minar
ध्रुव स्तम्भ
Qutb complex
Kokapena
Herrialdea India
Batasuneko LurraldeakNational Capital Territory of Delhi
MegacityDelhi
Koordenatuak28°31′28″N 77°11′07″E
Map
Historia eta erabilera
Eraikuntza1192 - 1198
Tximistargia 1326
Tximistargia 1368
Increase 1503
Izenaren jatorriaQutb-ud-din Aibak (en) Itzuli
Arkitektura
Materiala(k)red sandstone (en) Itzuli
EstiloaIslamiar arkitektura
Dimentsioak72,5 (altuera) m
Gizateriaren ondarea
Irizpidea(iv)
Eskualdea[upper-roman 1]Asia eta Ozeania
Izen-ematea1993 (XVII. bilkura)
Webgune ofiziala
  1. UNESCOk egindako sailkapenaren arabera

Historia

Delhiko lehenengo errege musulmana izan zen Qutb-ud-din Aibak-ek hasi zuen eraikuntza 1193an. Afganistanen dagoen Jamgo minaretearen antzekoa izatea nahi zuen, baina oinarria egitea baino ez zuen lortu. Bere ondorengoa zen Shamsu'd-Din IItutmish-ek hiru solairu gehitu zizkion. Minaretea Firuz Shah Tughluq-ek bukatu zuen 1368an.

Egitura

Hareharri gorriz eginiko dorrea da, eta tailaturiko Koranaren berset eta irudi ederrak ditu. 72'5 metrotako altuera dauka eta diametro zabala, oinarrian 14'3 metrotakoa eta puntan 2'7 metrotakoa. Sei solairu ditu eta solairu bakoitzaren bukaeran balkoia dago perimetro osoan.

Qutub Minar konplexua

Qutub Minarren konplexuan aipatzeko beste elementu batzuk ere badaude:

  • Quwwat-ul-Islam meskita: 1198an altxatu zuten. Delhiko sultanerrian eraikitako lehenengo meskita da. Qutub Minar bere minaretea izango zen, baina askoren ustetan defentsa dorrea edo garaipenen baten omenez sorturiko dorrea izan zitekeen.
  • Burdinezko zutabea: 7 metroko altuera duen zutabea da. Oso zaharra da, IV. mendean Chandragupta Vikramaditya erregeak jarri zuela uste baita. Udako solstizioan zutabearen itzala Vishnuren irudiaren norabidean dago, horregatik uste da Vishnu jainkoaren omenez eraikia izan zela. Tradizioak dioenez besoekin zutabea inguratzen duenari eskatutako desioa beteko zaio.
  • Iltutmish-en hilobia.
  • Imam Zamin-en hilobia.
  • Alauddin Khilji-ren madrasa eta hilobia.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.