Puntu eta koma

Puntu eta koma ( ; ) bertikalean lerrokatuta dauden puntu bat eta koma batek adierazitako puntuazio zeinua da. Puntuak baino geldiune txikiagoa adierazten du, baina komak baino handiagoa.

Artikulu hau puntuazio zeinuari buruzkoa da; telesailari buruzko artikulua ikusteko, ikus «Puntu Koma».

Honako kasuetan erabiltzen da, besteak beste:

• Komek bereizitako osagaiak multzokatu eta anbiguotasunak saihesteko. Adibidez: helduak, gurasoak zein irakasleak; ikasleak, bai haurrak bai nerabeak, eta bestelako bisitariak hurbildu ziren festara.
• Kausa eta ondorioa lotzeko, puntu eta koma zein bi puntuak erabil daitezke. Har ezazu aterkia; bustiko zara.
• Puntua erabili nahi ez eta koma ahulegia denean. Ez naiz segur; izan ere, wikipediak kontrakoa dio.

Informatikan, programazio lengoaia askotan, agindu bakoitzaren amaiera adierazteko erabiltzen da.