Pseudopodo

Pseudopodoa (grezieratik pseudos "sasi-" eta podo "oina") ameba bezalako bizidun zelulabakar batzuek duten zitoplasmaren luzapen behin-behinekoa da, itxura aldakorra duena. Pseudopodoek bi eginkizun dituzte:

Chaos carolinense, amebaren antzeko protista pseudopodo motz eta lodiekin

• Higidura: zelularen mugimendua ahalbidetzen dute. Izan ere, bizidun zelulabakarrek mugitzeko dituzten hiru mekanismoetatik bat da pseudopodoena (flagelo eta zilioez gain)

• Elikadura: fagozitosia errazten dute pseudopodoek. Bakterioak eta partikula txikiak harrapatzen dituzte.

Itxuraren arabera pseudopodoak anitzak dira: motzak, lodiak eta mutur biribildukoak (amebarenak); meheak eta luzeak (axopodio izenekoak); oso meheak eta motzagoak (filopodioak), etab.