Primulazeo

Primulazeoak (Primulaceae) 24 bat generotan banaturiko 1000 espezie dituen landare loredunen familia da. Landare belarkarak dira, gehienbat Ipar Hemisferioko eskualde hotz eta epeletan bizi direnak. Espezie asko (Primula, Cyclamen, Lysimachia[2]) apaingarri gisa kultibatzen dira. Beste batzuk herri medikuntzan (pasmo-belarra[3], Coris monspeliensis) edo koloregaiak lortzeko erabiltzen dira.

Primulazeo
Sailkapen zientifikoa
ErreinuaPlantae
OrdenaEricales
Familia Primulaceae
Batsch ex Borkh.[1]
Azpibanaketa
Ikusi testua

Loreak hermafroditak eta, Coris generoan izan ezik, erregularrak dira, bakartiak edo infloreszentzietan elkartuak (lore-buru, unbela edo panikuletan)[4]; askotan, hosto errosetaren erdian sortzen diren garetan (hostorik gabeko lore-zurtoinak, braktea babesleekin) antolatuak. Kaliza iraunkorra da, oinaldean soldatutako 5 sepaloz osatua. Korola ezkila-formakoa izaten da, soldatutako 5 (batzuetan 4) petaloz osatua, gehienetan horizontalak diren gingilekin. 5(10) lorezilak petaloekin soldatuta daude. Fruitua kutxatila erakoa da [5].

Generoak
  • Androsace L.
  • Bryocarpum Hook. f. & Thomson
  • Cortusa L.
  • Dionysia Fenzl
  • Dodecatheon L.
  • Hottonia L.
  • Kaufmannia Regel
  • Omphalogramma (Franch.) Franch.
  • Pomatosace Maxim.
  • Primula L. – Primula vulgaris, Primula veris
  • Samolus L.
  • Soldanella L.
  • Stimpsonia C.Wright ex A.Gray

Ondorengo generoak Primulazeoen baitan sartzen ohi ziren, baina, zenbait ikerlariren arabera (M. Källersjö et al., 2000[6]) Myrsinaceae familiaren barnean egon beharko lirateke:

  • Anagallis L.
  • Ardisiandra Hook. f.
  • Asterolinon Hoffmans. & Link.
  • Coris L.
  • Cyclamen L.
  • Glaux L.
  • Lysimachia L.
  • Pelletiera A. St.-Hil.
  • Trientalis L.

Erreferentziak
  1. Angiosperm Phylogeny Group. (2009). «An update of the Angiosperm Phylogeny Group classification for the orders and families of flowering plants: APG III» (PDF) Botanical Journal of the Linnean Society 161 (2): 105–121.  doi:10.1111/j.1095-8339.2009.00996.x..
  2. Primulaceae Herbario virtual del Mediterraneo Occidental
  3. Pasmo-belarra Euskal Heritar Medikuntza
  4. L. WATSON eta M. J. DALLWITZ: Primulaceae Vent. The families of flowering plants
  5. Primulazeae Euskalterm
  6. Mari KA LLERSJO, Gullevi BERGQVIST eta Arne A. ANDERBERG: Generic realignment in primuloid families of the Ericales s.l.: a phylogenetic analysis based on DNA sequences from three chloroplast genes and morphology American Journal of Botany. 2000;87:1325-1341

Kanpo estekak
Wikimedia Commonsen badira fitxategi gehiago, gai hau dutenak: Primulazeo Aldatu lotura Wikidatan
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.