Prešeren enparantza

Prešeren enparantza (eslovenieraz: Prešernov trg) Ljubljana hiriaren erdialdeko plaza ezaguna da eta ekitaldi kulturak, kirol eta politiko ugari izaten dira bertan. 2007an berriztu zuten.

Prešeren enparantza eta Frantziskotarren eliza (gorria).
Prešeren enparantza.

Kokapena

Alde zaharrerako sarreran dago, Ljubljanica ibaia zeharkatzen duen "zubi hirukoitzaren" ondoan (Tromostovje). Bertatik Strita kalea (Stritarjeva ulica) ateratzen da udaletxe aldera. Ljubljanaren alde berrira doazen kale nagusiak ere bertatik ateratzen dira, Čop (Čopova ulica), Miklošič (Miklošičeva cesta) eta Otsoaren kalea (Wolfova ulica).

Enparantzan dauden eraikin garrantzitsuenak Frantziskotarren eliza, Kresija jauregia eta Emporium galeria dira.

Historia

Prešeren enparantzak XVII mendean hartu zuen gaur egungo itxura, Frantziskotarren eliza eraiki zenean. Hasieran bidegurutzea bazen ere XIX mendean enparantza bihurtu eta pabimentatu egin zuten.

1895ean lurrikara izan zen eta Erdi Aroko etxeak suntsitu ziren. Max Fabiani arkitektuak berrizte lanak egin zituen, lau kaleren arteko korapiloa bihurtu eta jauregiak eraiki zituen inguruan. Esloveniako poeta nazionala kontsideratzen den France Prešeren-en brontzezko estatua eraiki zuen eta atzean hiru urki zuhaitz ezarri zituen. 1930 hamarkadan makalak landatu ziren zubi hirukoitzaren inguruan. Estatuak izena eman zion enparantzari eta 1991 urtean monumentu nazionala izendatua izan zen.


Kanpo estekak
46°3′5″N 14°30′21″E
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.