Microsoft PowerPoint

Microsoft PowerPoint software bat da diapositiba aurkezpenak egiteko, Microsoft enpresak sortua, eta Microsoft Office bulegotika-suitean doa. Berdin balio du Windows zein MacOS sistemetan lan egiteko. Microsoft enpresaren datuen arabera, ia 30 milioi aurkezpen egiten dira egunero munduan PowerPoint erabilita.

Microsoft PowerPoint
Jatorria
Azken bertsioa	2312 (Build 17126.20132)
Ezaugarriak
Euskarria	iOS, Android, Microsoft Windows eta macOS
Sistema eragilea	Office Open XML Presentation Document, ECMA-376 1st Edition (en) , Microsoft PowerPoint Macro-Enabled Show (en) , Microsoft PowerPoint Show (en) , Microsoft Powerpoint Design Template (en) , Microsoft Powerpoint Add-In (en) , Microsoft Powerpoint Presentation, version 4 (en) , Microsoft Powerpoint Presentation Show (en) , Macro Enabled Microsoft Powerpoint (en) , Microsoft Powerpoint for Windows file format (en) , Microsoft PowerPoint Picture Storage (en) , PowerPoint Macro-enabled Open XML add-in (en) , Microsoft PowerPoint (v3.0) (en) eta Microsoft PowerPoint (v2.0) (en)
Idatz dezake	Microsoft Powerpoint Packaged Presentation (en) , Microsoft PowerPoint Macro-Enabled Show (en) , Microsoft PowerPoint Show (en) , Microsoft Powerpoint Presentation Show (en) , Microsoft Powerpoint for Windows file format (en) eta Microsoft PowerPoint Picture Storage (en)
Egile-eskubideak	copyrightduna
Lizentzia	lizentzia jabedun
Deskribapena
Honen parte da	Microsoft Office
Ekoizpena
Garatzailea	Microsoft
Euskaraz
Euskaraz
www.microsoft.com
kronologia
←Multiplan (en) Microsoft PowerPoint

Aurkezpen software horrek hiru elementu erabiltzen ditu batik bat: testua, irudiak eta soinuak. Elementu horiek elkarrekin erabiltzeari deitzen zaio multimedia. Esan daiteke, beraz, PowerPoint multimedia software bat dela.

Programaren oinarrizko elementua diapositiba da, eta bertan sartzen dira testuak, irudi finkoak edo argazkiak, bideoak, edota soinuak. Gure aurkezpenak diapositibez osatuta egongo dira. Irudiak, bideoak eta soinuak ordenagailutik inportatu beharko ditugu; abestiak hala ere, CD irakurletik inportatu ahal izango dira.

Diapositiban elementu bakoitzak bere ordena izango du, eta elementu batetik bestera, denbora tarte bat sartu ahal izango dugu. Denbora tarteak, diapositiben artean sartu ditzakegu baita ere; azken honi trantsizio izena ematen zaio.

Bai trantsizioetan baita diapositiba barnean ere, animaziozko efektuak sartzeko aukera ematen du programa honek, aurkezpenak erakargarriagoak egiteko. Erakargarritasun hori suspertzeko, narraitzaile gisa egindako ahotsaren grabaketa gehitu daiteke, aurkezpena pertsonalizatze aldera.