Polonia Etxeberria

Polonia Etxeberria Orbea (Eibar, Gipuzkoa, 1865eko otsailaren 9a - Eibar, Gipuzkoa, 1947ko martxoaren 14a) Eibarko neskentzako lehen eskolako maistra izan zen. Bizitzako urte gehienak irakaskuntzari eskaini zizkion. Bere garaiko Eibarko emakume gehienak igaro ziren bere eskolatik.[1]

Polonia Etxeberria
Bizitza
JaiotzaEibar, 1865eko otsailaren 9a
Herrialdea Gipuzkoa, Euskal Herria
HeriotzaEibar, 1947ko martxoaren 14a (82 urte)
Familia
Anai-arrebak
Hezkuntza
Hizkuntzakeuskara
gaztelania
Jarduerak
Jarduerakirakaslea

Bizitza

Eibarren familia ezaguneko alaba (Bonifazio anaia STAR tailerreko sortzaile eta Julian, Armeria Eskolako zuzendari) gazte-gaztetatik izan zuen irakaskuntzarako joera. XIX. mende amaieran emakume batek ikastea ohikoa ez bazen ere, Logroñora joan zen irakasle-ikasketak egitera.[1]

Eibarko neskentzako lehen eskola sortu zenean, Gumersinda Lopez de Gereñu irakaslearen laguntzaile aritu zen. Garai hartan, Eibarren bi maistra zeuden: Gumersinda Lopez de Gereñu eta Petra Ziaran. 1889an Petra hil zenean, Polonia Etxeberriak hartu zituen haren irakaskuntza-ardura guztiak. Bizitzako urte gehienak irakaskuntzari eskaini zizkion eta Eibarko Udal Artxiboak beraren gaineko dokumentazioa gordetzen du. Garaiko Eibarko emakume gehienak igaro ziren Doña Poloniaren eskolatik.[1][3]

Polonia Etxeberria kalea

Aitortzak
  • Eibarko Urki auzoan berari eskainitako kale bat dago.[4]

Erreferentziak
  1. «Polonia Etxeberria (1865-1947) — Eibarko Kultura Ondarea - Egoibarra.eus» egoibarra.eus (Noiz kontsultatua: 2020-03-08).
  2. «Ibarkurutzeko eskolan zeuden maistrak - Ahotsak.eus» ahotsak.eus (Noiz kontsultatua: 2020-03-08).
  3. «Eskolara gustora Doña Polonia Etxeberria — Eibarko Kultura Ondarea - Egoibarra.eus» egoibarra.eus (Noiz kontsultatua: 2022-04-30).
  4. «Polonia Etxeberria» etakitto.eus 2017-04-11 (Noiz kontsultatua: 2020-03-08).


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.