Politetrafluoroetileno

Politetrafluoroetilenoa, PTFEa edo tefloia[1] (azken hori jatorrizko Teflon —marka erregistratua— izenetik eratorria) polietilenoaren antzeko polimero bat da, baina hidrogeno atomoak fluorragatik aldatu dira. Monomeroaren formula kimikoa CF2=CF2 da, eta tetrafluoroeteno izena du. PTFEa fluorokarbono solidoa da, osorik karbonoz eta fluorrez osatutako pisu molekular handiko konposatua baita. PTFEa hidrofobikoa da: urak edo ura duten konposatuek ez dute bustitzen PTFEa; izan, ere, fluorokarbonoek London dispertsio indarra motelduta agertzen dute, fluorraren elektronegatibitate altua dela eta. PTFEak edozein solidorekiko duen frikzioa, ezagutzen den txikienetako bat da.

Politetrafluoroetileno
Mota	fluoropolymer (en) , engineering plastic (en) , organic polymer (en) eta perfluorinated compound (en)
Ezaugarriak
Dentsitatea	2.200 kg/m³
Deskonposizio-puntua	415 °C
Arriskuak
NFPA 704	0 1 0
Identifikatzaileak
CAS zenbakia	9002-84-0
Reaxys	8677343
Gmelin	53251
ChEBI	600743
ZVG	531331
EC zenbakia	618-337-2
ECHA	100.120.367
MeSH	D011138
UNII	E1NC1JVS3O
KEGG	D08974

DuPont enpresak konposatu hau Teflon izenarekin merkaturatzen du, eta oso erabilia da zartaginetan eta beste hainbat sukalde tresnatan, jakia ez zaiolako itsasten berotzean. Elementu korrosiboak erabiltzen diren hainbat esperimentutan ere PTFEzko estaldurak erabiltzen dira. Makina batzuetan lubrifikatzaile gisa ere erabiltzen da.