Poales

Poales landare loredun monokotiledoneoen ordena bat da. Talde honetan belarrak, bromeliazeoak eta and ezpata-belarrak daude.

Poales
Kretazeo Berantiar-0 Ma

Sailkapen zientifikoa
ErreinuaPlantae
AzpierreinuaViridiplantae
Ordena Poales
Small[1]
Azpibanaketa
Anarthriaceae

Bromeliaceae
Centrolepidaceae
Cyperaceae
Ecdeiocoleaceae
Eriocaulaceae
Flagellariaceae
Hydatellaceae
Joinvilleaceae
Juncaceae
Mayacaceae
Poaceae
Rapateaceae
Restionaceae
Sparganiaceae
Thurniaceae
Typhaceae
Xyridaceae

Berriki egindako ikerketek erakusten dutenez, Poales ordenak Hego Amerikan dauka jatorria, eta duela 115 milioi urte inguru sortu zen. Fosil ezagunik zaharrenak Kretazeoko polena eta fruituak dira. Landare hauen lorea txikia izaten da, brakteatan bildutakoa, eta infloreszentzia batean antolatuta ageri dira (Mayaca generoan salbu). Espezie askotako loreak haizearen bidez polinizatzen dira; haziek almidoia eduki ohi dute.

APG II sistemak (2003) eskuineko taulan ageri diren familiak onartzen ditu ordena honen baitan. Talde hau komelinidoen kladoan sartzen du, monokotiledoneoen multzoan.

Hori baino lehen, APG sistemak (1998) "komelinoide" hitza erabiltzen zuen, eta ez zuen Abolbodaceae, Bromeliaceae eta Mayacaceae familiak ordena honetan sartzen.

Erabilerak

Ordena honetako familiaren garrantzitsuena, ikuspuntu ekonomikotik, belarrena da (Poaceae, Gramineae izenaz ere ezagutzen dena). Mutzo honetan garagarra, artoa, artatxikia, arroza eta garia daude. Ordenako familiarik handiena ere bada:

  • Poaceae: 12.000 espezie
  • Cyperaceae: 5.000 espezie
  • Bromeliaceae: 1.400 espezie
  • Eriocaulaceae: 1.150 espezie

Erreferentziak
  1. Angiosperm Phylogeny Group. (2009). «An update of the Angiosperm Phylogeny Group classification for the orders and families of flowering plants: APG III» (PDF) Botanical Journal of the Linnean Society 161 (2): 105–121.  doi:10.1111/j.1095-8339.2009.00996.x..

Bibliografia
  • (Ingelesez) Bremer, K. (2000). Gondwanan Evolution of the Grass Alliance of Families (Poales). Evolution 56: 1374-1387. [Sarean eskuragarri: Abstract ]
  • (Ingelesez) Judd, W. S., C. S. Campbell, E. A. Kellogg, P. F. Stevens, M. J. Donoghue (2002). Plant Systematics: A Phylogenetic Approach, 2nd edition. pp. 276-292 (Poales). Sinauer Associates, Sunderland, Massachusetts. ISBN 0-87893-403-0 .
  • (Ingelesez) Linder, H. Peter and Paula J. Rudall. 2005. Evolutionary History of the Poales. Annual Review of Ecology, Evolution, and Systematics 36: 107-124.
  • (Ingelesez) Small, J. K. (1903). Flora of the Southeastern United States, 48. New York, U.S.A.

Kanpo estekak


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.